Roger Federer Retirement: દિગ્ગજ રોજર ફેડરરે કરી સંન્યાસની જાહેરાત, લેવર કપ હશે છેલ્લી એટીપી ઇવેન્ટ

Roger Federer Retirement: ટેનિસના દિગ્ગજ ખેલાડી રોજર ફેડરરે મોટાભાગની સ્પર્ધામાંથી સંન્યાસની જાહેરાત કરી છે. તેમણે ટ્વીટ કરી આ વાતની પુષ્ટી કરી છે. તેમણે લખ્યું- લંડનમાં આવતા અઠવાડીયે લેવર કપ મારી છેલ્લી એટીપી ઇવેન્ટ હશે. હું ભવિષ્યમાં વધુ ટેનિસ રમીશ, ચોક્કસ, પરંતુ ગ્રાન્ડ સ્લેમ કે ટૂરમાં નહીં. 20 ગ્રેન્ડ સ્મેલ ખિતાબ જીતી ચૂકેલા 41 વર્ષીય દિગ્ગજ રોજર ફેડરેર વિમ્બલ્ડનના ક્વોર્ટર ફાઈનલ મેચમાં હાર બાદથી કોર્ટની બહાર છે. જે પછી તેમણે ઘૂટણની સર્જરી કરાવી હતી. ફેડરર સપ્ટેમ્બરમાં લંડનમાં લેવર કપમાં વાપસી કરવાના છે.

ફેડરરે સોશિયલ મીડિયા પર એક વીડિયોમાં કહ્યું- હું 41 વર્ષનો છું. મેં 24 વર્ષમાં 1500 થી વધુ મેચ રમી છે અને ટેનિસે મારી સાથે આટલો ઉદાર વ્યવહાર કર્યો છે જેટલો મેં ક્યારે વિચાર્યો ન હતો. આ મારા પ્રતિસ્પર્ધી કરિયરને ખતમ કરવોનો સમય છે.