INDvsAUS: રોહિતે વનડેમાં પૂરા કર્યા 9000 રન, વિરાટ બાદ સૌથી ઝડપી ભારતીય

બેંગલુરૂઃ ભારતીય ઓપનિંગ બેટ્સમેન રોહિત શર્માએ એકદિવસીય આંતરરાષ્ટ્રીય ક્રિકેટમાં 9000 રન પૂરા કરી લીધા છે. રવિવારે ઓસ્ટ્રેલિયા વિરુદ્ધ સિરીઝની ત્રીજી અને અંતિમ મેચમાં તેણે આ સિદ્ધિ મેળવી હતી. તે સૌથી ઓછી ઈનિંગમાં 9000 રન વનડે આંતરરાષ્ટ્રીયમાં બનાવનાર ભારતીય બેટ્સમેનોમાં બીજા સ્થાન પર છે. રોહિતે રાજકોટ વનડેમાં પણ 42 રન ફટકાર્યા હતા. 9000 વનડે રનથી તે માત્ર ચાર રન પાછળ રહી ગયો હતો. આંતરરાષ્ટ્રીય ક્રિકેટની વાત કરીએ તો રોહિત 9000 વનડે રન પૂરા કરવામાં ત્રીજો સૌથી ઝડપી બેટ્સમેન છે. 

રોહિતે સૌરવ ગાંગુલી, સચિન તેંડુલકર અને બ્રાયન લારાને પાછળ છોડી દીધા છે. રોહિતે પોતાની 217મી ઈનિંગમાં આ મુકામ હાસિલ કર્યો છે. ગાંગુલીએ 228, સચિને 235 અને લારાએ 239 ઈનિંગમાં 9000 વનડે રન પૂરા કર્યાં હતા.