શુભમન ગિલ : આ યુવા ભારતીય ખેલાડીએ તોડ્યો ગૌતમ ગંભીરનો રેકોર્ડ

નવી દિલ્હી : ભારતીય યુવા ક્રિકેટર શુભમન ગિલે ઓછી ઉંમરમાં બેવડી સદી લગાવવાનો ગૌતમ ગંભીરનો 17 વર્ષ જૂનો રેકોર્ડ તોડ્યો છે. શુભમને ગુરૂવારે ભારત એ અને વેસ્ટ ઇન્ડિઝ એ વિરૂધ્ધની મેચમાં અણનમ 204 રન બનાવ્યા હતા. શુભમને ભારત એ તરફથી વિદેશી ટીમ સામે ફર્સ્ટ ક્લાસ ક્રિકેટમાં ઓછી ઉંમરમાં બેવડી સદી લગાવનાર ભારતીય ક્રિકેટર બન્યો છે. શુભમન ગિલે આ બેવડી સદી માત્ર 19 વર્ષ 334 દિવસની ઉંમરમાં બનાવ્યો છે. આ પહેલા આ રેકોર્ડ ગૌતમ ગંભીરના નામે હતો જે એણે 2002માં ઝિમ્બાબ્વે વિરૂધ્ધ ઇન્ડિયા બોર્ડ પ્રેસિડેન્ટ તરફથી રમતાં બનાવ્યો હતો. ગંભીરે બેવડી સદી 20 વર્ષ 124 દિવસની ઉંમરે બનાવી હતી.