Ravindra Jadeja: સ્પિનના `જાદુગર` નો થશે ટેસ્ટ, કાનપુરમાં એક કાંકરે બે પક્ષીઓ મારશે
27 સપ્ટેમ્બરથી શરૂ થઈ રહેલી કાનપુર ટેસ્ટમાં જાડેજાને એવા ખેલાડીઓની એલિટ ક્લબમાં સામેલ થવાની તક મળશે જેમણે ટેસ્ટ ક્રિકેટમાં 300 વિકેટ અને 3000 રનનો `ગ્રાન્ડ ડબલ` હાંસલ કર્યો છે. જડ્ડુંના નામે હાલમાં 299 વિકેટ અને 3122 રન છે.
IND vs BAN: ગુજરાતી બાપુ જાડેજા ઓલરાઉન્ડર છે. ટેસ્ટ ક્રિકેટમાં જાડેજાનો દબદબો છે. રવિન્દ્ર જાડેજાની (Ravindra Jadeja) બેટિંગ એવરેજ 46.63 રહી છે, જે 2022ની સિઝનથી 10 થી વધુ ટેસ્ટ ઇનિંગ્સ રમનારા ભારતીય ખેલાડીઓમાં ત્રીજા નંબરે છે. એટલે બાપુ બોલિંગ સાથે બેટિંગમાં પણ જલવો ધરાવે છે. જડ્ડુંની એવરેજ રોહિત શર્મા અને વિરાટ કોહલી કરતા સારી છે.
રવીન્દ્ર જાડેજા ક્યારેય કાગળ પર ભારતીય સ્પિનનું સુકાન સંભાળતા જોવા મળતો નથી. સફેદ બોલના ફોર્મેટમાં, કુલદીપ યાદવ અથવા યુઝવેન્દ્ર ચહલ સ્પિન વિભાગની આગેવાની કરે છે, જ્યારે રેડ બોલમાં, રવિચંદ્રન અશ્વિન સ્પિન ફ્રન્ટની જવાબદારી સંભાળે છે. જો કે, જ્યારે ટીમ મેદાનમાં ઉતરે છે, ત્યારે આ ખેલાડી દરેક વિભાગમાં પોતાની હાજરી નોંધાવે છે.
જાડેજા કયો રેકોર્ડ બનાવશે?
27 સપ્ટેમ્બરથી શરૂ થઈ રહેલી કાનપુર ટેસ્ટમાં જાડેજાને એવા ખેલાડીઓની એલિટ ક્લબમાં સામેલ થવાની તક મળશે જેમણે ટેસ્ટ ક્રિકેટમાં 300 વિકેટ અને 3000 રનનો 'ગ્રાન્ડ ડબલ' હાંસલ કર્યો છે. જડ્ડુંના નામે હાલમાં 299 વિકેટ અને 3122 રન છે. અત્યાર સુધી વિશ્વમાં બે ભારતીય ખેલાડીઓ અશ્વિન અને કપિલ દેવ સહિત માત્ર 10 ખેલાડીઓ જ આ સિદ્ધિ મેળવી શક્યા છે.
ક્યારે પણ જાડેજાની નથી થતી ચર્ચા-
ટીમની જીતમાં મહત્વની ભૂમિકા ભજવવા છતાં જાડેજાને એટલી હેડલાઈન્સ મળતી નથી. ટેસ્ટમાં એવી ઘણી વખત આવી છે જ્યારે જાડેજાએ ભારતને મુશ્કેલીમાંથી બહાર કાઢ્યું છે. બાંગ્લાદેશ સામેની પ્રથમ ટેસ્ટમાં ભારતની 280 રનની જીત દરમિયાન પણ આ જોવા મળ્યું હતું, જ્યારે 144 રનમાં છ વિકેટ ગુમાવ્યા બાદ જાડેજા અને અશ્વિને સાતમી વિકેટ માટે 199 રનની ભાગીદારી કરી હતી અને ભારતને 376 રન સુધી પહોંચાડ્યું હતું. જાડેજાએ 86 રન બનાવ્યા, પરંતુ ચર્ચા અશ્વિનની સદી પર કેન્દ્રિત રહી. જાડેજાએ મેચમાં પાંચ વિકેટ ઝડપી હતી, પરંતુ અશ્વિને બીજી ઇનિંગમાં છ વિકેટ લઈને તેને અહીં પણ પાછળ છોડી દીધો હતો.
અશ્વિનને પણ લાગે છે જાડેજાથી ડર-
બાંગ્લાદેશના અનુભવી ડાબોડી બેટ્સમેન શાકિબ અલ હસન સામે અશ્વિને જુદી ટેકનિક અપનાવી હતી. અશ્વિને પ્રથમ ટેસ્ટ પછી કહ્યું હતું કે, 'ક્યારેક જ્યારે તમે તમારા સાથી ક્રિકેટરો સાથે રેસ લગાવતા હોવ છો, ત્યારે તમે એકબીજાને પાછળ છોડવા માંગો છો. પછી તમે ધીમે ધીમે એકબીજાના વખાણ કરવાનું શરૂ કરો છો. એ હું જાણું છું કે હું જાડેજાને ક્યારેય હરાવી શકતો નથી. તેથી હું મારી રમતમાં સહજ છું, પરંતુ તેણે જે કર્યું છે તેનાથી સંપૂર્ણપણે પ્રેરિત છું.
આ ખાસ ક્લબમાં કોનો સમાવેશ થાય છે?
ટેસ્ટમાં 300 વિકેટ અને 3000 રન બનાવનાર ખેલાડીઓની યાદીમાં સ્ટુઅર્ટ બ્રોડ, શેન વોર્ન, કપિલ દેવ, ડેનિયલ વિટોરી, ચામિંડા વાસ, શોન પોલોક, ઈયાન બોથમ, આર અશ્વિન, ઈમરાન ખાન અને રિચર્ડ હેડલીના નામ સામેલ છે. ટેસ્ટ ક્રિકેટમાં આર અશ્વિન અને જાડેજાએ મળીને સાડા છ હજારથી વધુ રન અને 821 વિકેટ લીધી છે.