Suresh Raina એ ક્રિકેટના તમામ ફોર્મેટમાંથી નિવૃત્તિ જાહેર કરી

Suresh Raina: દિગ્ગજ ભારતીય ક્રિકેટર સુરેશ રૈનાએ ક્રિકેટના ત્રણેય ફોર્મેટમાંથી નિવૃત્તિ લેવાની જાહેરાત કરતા ચાહકો ઘેરા આઘાતમાં ડૂબ્યા છે. સુરેશ રૈનાએ ટ્વીટ કરીને આ જાહેરાત કરી. રૈનાએ ક્રિકેટના ત્રણેય ફોર્મેટ ટેસ્ટ ક્રિકેટ, વનડે ક્રિકેટ અને ટી20માંથી નિવૃત્તિ લીધાની જાહેરાત કરી છે. 

આ અગાઉ સુરેશ રૈનાએ 15 ઓગસ્ટ 2020ના રોજ ઈન્ટરનેશનલ ક્રિકેટમાંથી નિવૃત્તિ જાહેર કરી હતી. પરંતુ તેઓ ઉત્તર પ્રદેશ માટે ઘરેલુ ક્રિકેટ રમતા હતા. આ સાથે જ ઈન્ડિયન પ્રિમિયર લીગ (IPL) પણ રમતા હતા. જો કે ગત આઈપીએલ સીઝન 2022માં તેઓને કોઈ પણ ફ્રેન્ચાઈઝીએ ખરીદ્યા નહતા.