`મેરી એક ટાંગ નકલી હૈ` આ ડાયલોગ સાથે ટીમ ઈન્ડિયાના સૌથી ખતરનાક ખેલાડીનો Video Viral
Suryakumar Yadav: વિશ્વ અને ભારતના નંબર વન T20 બેટ્સમેન સૂર્યકુમાર યાદવ દક્ષિણ આફ્રિકા સામેની T20 શ્રેણીમાં ઈજાગ્રસ્ત થયો હતો. હવે તેની ઈજા અંગે અપડેટ આપતા તેણે સોશિયલ મીડિયા પર એક વીડિયો પોસ્ટ કર્યો છે, જેમાં તે ક્રેચના સહારે ચાલતો જોવા મળી રહ્યો છે.
Suryakumar Yadav VIDEO: સૂર્યકુમાર યાદવની કપ્તાની હેઠળ, ભારતે દક્ષિણ આફ્રિકા સામેની ત્રણ મેચની T20 શ્રેણી 1-1થી ડ્રો સાથે સમાપ્ત કરી. આ શ્રેણીમાં સૂર્યકુમાર ઈજાગ્રસ્ત થયો હતો. વિશ્વના નંબર વન T20 બેટ્સમેને પોતાની ઈજા અંગે અપડેટ આપતા સોશિયલ મીડિયા પર એક વીડિયો પોસ્ટ કર્યો છે, જેમાં તે ક્રેચના સહારે ચાલતો જોવા મળી રહ્યો છે. તમને જણાવી દઈએ કે સાઉથ આફ્રિકા સામેની ટી20 સીરીઝમાં તેને જમણા પગમાં ઈજા થઈ હતી. મીડિયા રિપોર્ટ્સ અનુસાર, તેને સંપૂર્ણ રીતે ફિટ થવામાં 7-8 અઠવાડિયા લાગી શકે છે.
સૂર્યકુમારે વીડિયો શેર કર્યો છે-
સૂર્યકુમારે ઈંસ્ટાગ્રામ પર ક્રેચની મદદથી ચાલતા તેનો વીડિયો પોસ્ટ કર્યો છે. આ સમયગાળા દરમિયાન તે મોજ-મસ્તી કરવાનું ભૂલ્યો ન હતો. આ વીડિયોમાં તેણે બોલિવૂડ ફિલ્મ વેલકમનો એક પ્રખ્યાત ડાયલોગ 'મેરી તાંગ નકલી હૈ...' ઉમેર્યો છે. તેના આ વીડિયો પર ફેન્સ પણ ઘણી પ્રતિક્રિયા આપી રહ્યા છે. એક યુઝરે તેની પોસ્ટ પર કોમેન્ટ કરી અને લખ્યું, 'મોયે મોયે.'
ઈજા પર અપડેટ-
જો કે, તેની ઈજા અંગે અપડેટ આપતાં તેણે કેપ્શનમાં લખ્યું, 'થોડી ગંભીર નોંધ પર, ઈજાઓ ક્યારેય મજાની નથી હોતી, પરંતુ હું તેને ગંભીરતાથી લઈશ અને ટૂંક સમયમાં સંપૂર્ણ ફિટ થઈ જવાનું વચન આપીશ! ત્યાં સુધી, હું આશા રાખું છું કે તમે બધા તહેવારોની મોસમનો આનંદ માણતા હશો અને દરરોજ નાની નાની ખુશીઓ મેળવશો.
અફઘાનિસ્તાન શ્રેણી પર કોઈ અપડેટ નથી-
ભારતને જાન્યુઆરીમાં અફઘાનિસ્તાન સામે ત્રણ મેચની T20 શ્રેણી રમવાની છે. સૂર્યકુમાર આ શ્રેણીમાં રમી શકશે કે નહીં તે અંગે તેણે કોઈ અપડેટ આપી નથી. જોકે, BCCIએ હજુ સુધી અફઘાનિસ્તાન શ્રેણી માટે ટીમની જાહેરાત કરી નથી. સૂર્યા રમશે કે નહીં તે તેની જાહેરાતમાં સ્પષ્ટ થશે. આ શ્રેણી ભારતમાં 11 જાન્યુઆરીથી જ રમાશે. આગામી T20 વર્લ્ડ કપ પહેલા ભારતની આ છેલ્લી T20 સિરીઝ હશે.
પ્લેયર ઓફ ધ સિરીઝ બન્યો હતો-
દક્ષિણ આફ્રિકા સામે તાજેતરમાં રમાયેલી T20I શ્રેણીમાં, સૂર્યકુમારને બે મેચમાં 156 રન બનાવવા બદલ 'પ્લેયર ઓફ ધ સિરીઝ'નો એવોર્ડ મળ્યો હતો. આ દરમિયાન તેના બેટમાંથી એક સદી અને અડધી સદી આવી. આ વર્ષે, 18 T20I માં, સૂર્યકુમારે 48.86 ની સરેરાશ અને 155.95 ની સ્ટ્રાઈક રેટથી 733 રન બનાવ્યા છે, જેમાં તેનો શ્રેષ્ઠ સ્કોર 112 છે. તેણે આ વર્ષે બે સદી અને પાંચ અડધી સદી ફટકારી છે. એકંદરે 60 T20I માં, સૂર્યકુમારે 45.55 ની એવરેજ અને 171 થી વધુની સ્ટ્રાઈક રેટથી 2,141 રન બનાવ્યા છે, જેમાં ચાર સદી અને 17 અર્ધસદીનો સમાવેશ થાય છે. તેનો સર્વશ્રેષ્ઠ સ્કોર 117 છે.