T20 World Cup 2022: ટીમ ઈન્ડિયા માટે ગૂડ ન્યૂઝ! ઈજા બાદ ફરી નેટ્સમાં રોહિતે કરી પ્રેક્ટિસ, દ્રવિડે કર્યા વખાણ

નવી દિલ્હીઃ હાલ ટીમ ઈન્ડિયા ઓસ્ટ્રેલિયામાં રમાઈ રહેલાં ટી20 વર્લ્ડ કપની ટુર્નામેન્ટમાં ટોપ પર ચાલી રહી છે. જોકે, આ દરમિયાન જ એક ખરાબ સમાચાર આવ્યાં હતાં. જેને કારણે લાખો દર્શકો અને ક્રિકેટ પ્રેમીઓ નિરાજ થઈ ગયા હતાં. આ સમાચાર હતા કેપ્ટન રોહિત શર્માના. રોહિત શર્માને ઈજા થતાં ટીમ પર સંકટના વાદળો ગેરાયા હતાં. જોકે, ઈજા બાદ પણ હિટમેન નેટ્સમાં પ્રેક્ટિસ કરવા આવ્યો અને તેને જોઈને કોચ રાહુલ દ્રવિડે પણ તાળી પાડીને તેને બિરદાવ્યો. આ સમાચાર રાહત આપનારા છે. વર્લ્ડ કપમાં ટીમ ઈન્ડિયાની વિજય કૂચ જારી રાખવા માટે ટીમના દરેક ખેલાડીનું ફિટ રહેવું જરૂરી છે. ત્યારે કેપ્ટને પોતે નેટ્સમાં આવીને સૌ કોઈનું મનોબળ વધાર્યું છે.