ગૌતમ ગંભીર બનશે ટીમ ઈન્ડિયાના નવા કોચ! IPL ફાઈનલ પછી જય શાહને મળ્યા, અટકળો તેજ

Team India Head Coach: કેકેઆરની સફળતામાં મહત્વની ભૂમિકા ભજવનાર ગંભીર ખેલાડીઓ સાથે ઉજવણી કરતો જોવા મળ્યો હતો. ઉજવણીઓ વચ્ચે, તેણે BCCI સેક્રેટરી જય શાહને મળવા માટે પણ સમય કાઢ્યો હતો, જેણે ભારતના મુખ્ય કોચ તરીકેના સંભવિત ભવિષ્ય વિશે અટકળોને વેગ આપ્યો હતો. ગંભીર વિશે એવું કહેવામાં આવી રહ્યું છે કે તે રાહુલ દ્રવિડ બાદ ટીમનો આગામી કોચ બનવાનો મુખ્ય દાવેદાર છે.

કેટલા સમયનો હશે કોચ તરીકેનો કોન્ટ્રાક્ટ?
ભારતના મુખ્ય કોચ તરીકે દ્રવિડનો કાર્યકાળ જૂનમાં 2024 T20 વર્લ્ડ કપ પછી સમાપ્ત થાય છે. દ્રવિડે આ પદ માટે ફરી અરજી ન કરવાને કારણે BCCIએ તેના અનુગામીની શોધ શરૂ કરી દીધી છે. નવા કોચને 2027 ODI વર્લ્ડ કપ સુધી કોન્ટ્રાક્ટ મળશે ગંભીર 2011માં ODI વર્લ્ડ કપ જીતનાર ટીમનો મહત્વનો સભ્ય હતો. તેણે શ્રીલંકા સામે ફાઇનલમાં 97 રનની મેચ વિનિંગ ઇનિંગ રમી હતી. ટી-20 વર્લ્ડ કપમાં પણ ગૌતમ ગંભીરે સારી બેટિંગ કરીને ટીમને જીત અપાવવામાં મહત્ત્વની ભૂમિકા ભજવી હતી. 

BCCI ની શું છે પ્રાથમિકતા?
રિકી પોન્ટિંગ અને જસ્ટિન લેંગર સહિત ઘણા ઓસ્ટ્રેલિયન ક્રિકેટ દિગ્ગજો શરૂઆતમાં કોચ પદ માટે દાવેદાર હતા જો કે, તેઓએ અરજી કરવાનો ઇનકાર કર્યો હતો. આ પછી જય શાહે કહ્યું કે BCCI એવા ભારતીય કોચને પસંદ કરે છે જે સ્થાનિક ક્રિકેટથી વધુ પરિચિત હોય. આ પ્રાથમિકતા ગંભીરને આ કામ માટે આ લીસ્ટમાં સૌથી આગળ કરે છે.

શા માટે સૌથી મોટો દાવેદાર છે ગંભીર?
આઈપીએલની ફાઈનલમાં કેકેઆરટી ટીમે શાનદાર જીત હાંસલ કરી હતી. જીત બાદ કેકેઆરના મેન્ટોર અને ભારતીય ક્રિકેટ ટીમના સિનિયર ખેલાડી ગણાતા ગૌતમ ગંભીર સાથે બીસીસીઆઈના સચિવ જય શાહે મહ્ત્વ ચર્ચા કરી છે. રવિવારે શાહની ગંભીર સાથેની વાતચીતે અટકળોને વધુ વેગ આપ્યો હતો.

બીસીસીઆઈના સેક્રેટરી ચેન્નાઈમાં કેકેઆરના સેલિબ્રેશનમાં ગંભીરને અભિનંદન આપતા, તસવીરો લેતા અને લાંબી વાતચીત કરતા જોવા મળ્યા હતા. આ હાવભાવને ઘણા લોકો મુખ્ય કોચની ભૂમિકા માટે ગંભીરની ઉમેદવારીના સમર્થન તરીકે જોતા હતા. મુખ્ય કોચ તરીકે ગંભીરની સંભવિત નિમણૂક તેના વ્યાપક અનુભવ અને ખેલાડી અને માર્ગદર્શક બંને તરીકેના સફળ ટ્રેક રેકોર્ડને જોતાં ખૂબ જ અપેક્ષિત છે. તેમની વ્યૂહાત્મક ક્ષમતા અને વર્તમાન પેઢીના ભારતીય ક્રિકેટરો સાથેની ઓળખાણ તેમને ઉચ્ચ-પ્રોફાઇલ ભૂમિકા માટે મજબૂત ઉમેદવાર બનાવે છે.