ટીમ ઈન્ડિયામાંથી અચાનક ગાયબ થઈ ગયો મલિંગા જેવો જ ઘાતક બોલર! એક જ ઝટકામાં કરિયર બરબાદ?

નવી દિલ્લીઃ ટીમ ઈન્ડિયાનો એક એવો બોલર છે, જેણે આવતાની સાથે જ ઈન્ટરનેશનલ ક્રિકેટમાં ધૂમ મચાવી દીધી હતી, પરંતુ પસંદગીકારોએ આ ખેલાડીને ભારતીય ટીમમાંથી દૂધમાંથી માખીની જેમ બહાર કાઢી નાખ્યો. આ બોલર શ્રીલંકાના દિગ્ગજ બોલર લસિથ મલિંગા અને ભારતના સ્ટાર બોલર જસપ્રિત બુમરાહની જેમ ઘાતક યોર્કર બોલ મારતો હતો, જે બેટ્સમેન માટે  સખત સાબિત થયો હતો.

ટીમ ઈન્ડિયાનો આ બોલર મલિંગા-બુમરાહ જેટલો જ ખતરનાક છે-
ટીમ ઈન્ડિયાના 'યોર્કર મેન' કહેવાતા ટી. નટરાજન લગભગ એક વર્ષથી ટીમ ઈન્ડિયાની બહાર છે. પસંદગીકારોએ આ ખેલાડીને ટીમ ઈન્ડિયામાંથી દૂધમાંથી માખીની જેમ બહાર ફેંકી દીધો. ટી. નટરાજન છેલ્લે માર્ચ 2021માં ઈંગ્લેન્ડ સામે ઘરઆંગણે T20 અને વનડે શ્રેણીમાં રમતા જોવા મળ્યા હતા. આ શ્રેણી પછી ટી. નટરાજનને પસંદગીકારોએ પૂછ્યું પણ નથી.

લાંબા સમય સુધી કોઈ તક નથી મળી-
ટી. નટરાજને ભારત માટે 1 ટેસ્ટ મેચ, 4 T20 આંતરરાષ્ટ્રીય મેચ અને 2 વન-ડે આંતરરાષ્ટ્રીય મેચ રમી છે. ટી. નટરાજને ટેસ્ટમાં 3 વિકેટ, T20 ઈન્ટરનેશનલમાં 7 વિકેટ અને વન-ડે ઈન્ટરનેશનલમાં 3 વિકેટ લીધી છે. IPL 2020માં તેના શાનદાર પ્રદર્શનને કારણે આ બોલરને ટીમ ઈન્ડિયા માટે ત્રણેય ફોર્મેટમાં ડેબ્યૂ કરવાની તક મળી.

'ડ્રીમ ડેબ્યૂ' પછી કરિયરને ગ્રહણ લાગ્યું-
30 વર્ષીય ફાસ્ટ બોલર ટી. નટરાજને વર્ષ 2020-2021ના ઓસ્ટ્રેલિયા પ્રવાસ પર ત્રણેય ફોર્મેટમાં ટીમ ઈન્ડિયા માટે 'ડ્રીમ ડેબ્યૂ' કર્યું હતું. ટી. નટરાજન સચોટ યોર્કર બોલિંગ કરવામાં નિષ્ણાત છે, આવી સ્થિતિમાં તે બેટ્સમેનો માટે ખૂબ જ ખતરનાક સાબિત થયો. ટી. નટરાજન હજુ પણ ટીમ ઈન્ડિયામાં પરત ફરે તેવી અપેક્ષા છે, પરંતુ પસંદગીકારો શું વિચારી રહ્યા છે તે કોઈને ખબર નથી.