થાઇલેંડ: થાઇલેંડની ગુફા થૈમ લુઆંગમાં લગભગ 9 દિવસોથી ફસાયેલા 12 બાળકોનો હજુ સુધી કોઇ પતો મળ્યો નથી. આ 12 બાળકો થાઇલેંડના અંડર-16 ફૂટબોલ ટીમના સભ્ય છે અને બધાની ઉંમર 11 થી 16 વર્ષની છે. જોકે થોડા દિવસો પહેલાં મેચ પુરી થયા બાદ આ ફૂટબોલ ટીમના ખેલાડીઓની ટીમ મેચ બાદ ગુફામાં ફરવા ગઇ હતી, ટીમની સાથે તેમના કોચ પણ હાજર હતા. એવું માનવામાં આવે છે કે ભારે વરસાદના લીધે ગુફાના મુખ્ય માર્ગમાં પૂર આવી ગયું જેમાં ફૂટબોલના ખેલાડીઓ ફસાયેલા છે. વરસાદના લીધે ગુફામાં પાણી ભરાઇ ગયું હતું, ત્યારબાદ આશા વ્યક્ત કરવામાં આવી રહી હતી કે આ સમગ્ર ટીમ તો ગુમ છે અથવા કોઇ દુર્ઘટના સર્જાઇ છે.

COMMERCIAL BREAK
SCROLL TO CONTINUE READING

ફીફા વર્લ્ડ કપઃ નેમારનું શાનદાર પ્રદર્શન, બ્રાઝીલ મેક્સિકોને 2-0થી હરાવીને ક્વાર્ટરમાં


ખેલાડીઓને બચાવવામાં લાગી છે સેના
થાઇલેંડની નૌસેના સીલે એક ફેસબુક પોસ્ટમાં આજે જણાવ્યું હતું કે ગત રાત્રે મરજીવાઓ એક જગ્યાએ પહોંચી ગયા છે જ્યાં એક કિલોમીટર લાંબો માર્ગ બે દિશાઓમાં વિભાજીત થાય છે. મરજીવાઓને દોરડા અને વધારાના ઓક્સિજન પુરા પાડવામાં આવ્યા છે અને હવે તે ગુફામાં એક જમીની ભાગ તરફ આગળ વધી રહ્યા છે જ્યાં તે 13 લોકો બચેલા હોઇ શકે છે.

ઈંગ્લેન્ડના પડકાર માટે ટીમ ઈન્ડિયા તૈયાર, મંગળવારથી ટી-20 શ્રેણીનો પ્રારંભ    


કોઇ ટાપૂ પર હોઇ શકે છે ફૂટબોલ ખેલાડી
એવું માનવામાં આવી રહ્યું છે કે આ બધા ખેલાડીઓ ગુફાની અંદર કોઇ ટાપૂ પર હોઇ શકે છે. હાલમાં તે જીવીત છે, કારણ કે તેમની પાસે પીવાલાયક પાણી છે. સાત દિવસથી ગુફામાં પાણી કાઢવાનું કામ ચાલી રહ્યું છે. બાળકો સુધી પહોંચવા માટે રેસ્ક્યૂ ટીમ ઉપરથી હોલ કરશે. ગુફામાં ઓક્સિજનની ઉણપના લીધે 200 સિલિંડર પહોંચાડવામાં આવ્યા છે.