મહિલા T-20 : ભારતે વેસ્ટ ઇન્ડિઝનો 5-0થી કર્યો સફાયો

નવી દિલ્હી : ભારતીય મહિલા ક્રિકેટ ટીમે પાંચમા અને અંતિમ ટી20 મેચમાં યજમાન વેસ્ટ ઇન્ડિઝને 61 રનથી હરાવીને પાંચ મેચની ટી-20માં 5-0થી ક્લિન સ્વિપ કરી દીધું છે. ભારતીય ટીમ વન ડે સિરીઝ પણ 2-1થી પોતાના નામે કરી ચૂકી છે. 

વેસ્ટ ઇન્ડિઝના પ્રોવિંસ સ્ટેડિયમમાં રમાયેલી મેચમાં ભારતીય ટીમે ટોસ જીતને પહેલાં બેટિંગ કરી હતી અને ત્રણ વિકેટે 134 રનનો સ્કોર બનાવ્યો હતો. આ સ્કોર પછી વેસ્ટ ઇન્ડિઝની ટીમને નિર્ધારિત ઓવરમાં સાત વિકેટ પર 73 રને અટકાવી દીધી હતી. યજમાન ટીમ તરફથી કિશોના નાઇટે 22 અને શૈમાન કોમ્પબેલે 19 રન કર્યા હતા. બાકીના બેટ્સમેન ડબલ ફિગર સુધી પણ પહોંચી શક્યા નહોતા.