કોરોના ઇફેક્ટ: એક વર્ષ માટે ટળ્યું ટોક્યો ઓલિમ્પિકનું આયોજન

ટોક્યોઃ કોરોના વાયરસને કારણે ટોક્યો ઓલિમ્પિકનું આયોજન એક વર્ષ માટે ટાળી દેવામાં આવ્યું છે. કોરોના વાયરસને કારણે ઓલિમ્પિકના ભવિષ્ય પર સંકટના વાદળો છવાયા હતા. ઓલિમ્પિક રમતોનું આયોજન 24 જુલાઈથી 9 ઓગસ્ટ 2020 વચ્ચે થવાની હતી. હવે તે 2021મા રમાશે. કોવિડ-19ને કારણે વિશ્વભરમાં અત્યાર સુધી 17,000થી વધુ લોકોના મોત થઈ ચુક્યા છે. 

આબેએ કહ્યું કે, કોવિડ-19 મહામારી વચ્ચે ઓલિમ્પિક ગેમ્સનું આયોજન ન કરી શકાય. તેમણે કહ્યું કે, આ ગેમ્સને સ્થગિત કરવા સિવાય કોઈ વિકલ્પ નથી. આબેએ આઈઓસી ચીફ બાકની સાથે ટેલીફોન પર ચર્ચા કરી હતી.