નવી દિલ્હીઃ કેટલાક ઈતિહાસ એવા હોય છે જેને બનવામાં વાર લાગે છે પરંતુ તે દિવસ જરૂર આવે છે. ભારતે ઓસ્ટ્રેલિયામાં 2-1થી સિરીઝ જીતીને ઈતિહાસ રચી દીધો છે. સિડનીમાં રમાયેલી અંતિમ ટેસ્ટ મેચના પાંચમો દિવસ વરસાદને કારણે રદ્દ થયો અને મેચ ડ્રો જાહેર કરી દેવામાં આવી. આ સાથે ટીમ ઈન્ડિયાએ ટ્રોફી પર કબજો કરી લીધો હતો. 


ભારતીય બેટ્સમેન પૂજારાએ આ ટેસ્ટમાં 193 રનની શાનદાર ઈનિંગ રમી. આ સિવાય તેણે સિરીઝમાં કુલ 521 રન બનાવ્યા અને મેન ઓફ ધ સિરીઝની સાથે સિડનીમાં મેન ઓફ ધ મેચ પણ રહ્યો. બોલિંગમાં બુમરાહ પ્રથમ સ્થાને રહ્યો. તેણે 21 વિકેટ ઝડપી હતી. મોહમ્મદ શમીએ 16 વિકેટ ઝડપી હતી. ભારતની આ ઐતિહાસિક ટેસ્ટ સિરીઝની જીત બાદ ટ્વીટર પર પ્રતિક્રિયાઓ મળી રહી છે. તો અમે તમને જણાવી દઈએ કેટલિક મહત્વની પ્રતિક્રિયાઓ.