અન્ડર-19 વર્લ્ડ કપઃ બાંગ્લાદેશ પ્રથમવાર ફાઇનલમાં, હવે ભારત સામે ટક્કર

પોટચેફ્સ્ટ્રૂમ (દક્ષિણ આફ્રિકા): અન્ડર-19 વિશ્વકપ-2020ની ફાઇનલ મેચ ભારત અને બાંગ્લાદેશ વચ્ચે રમાશે. બીજી સુપર લીગ સેમિફાઇનલમાં ગુરૂવારે બાંગ્લાદેશની ટીમે ન્યૂઝીલેન્ડને 6 વિકેટથી હરાવ્યું અને પ્રથમવાર ફાઇનલમાં પહોંચી છે. હવે રવિવાર (9 ફેબ્રુઆરી)ના પોટચેફ્સ્ટ્રૂમમાં તેનો મુકાબલો ટાઇટલના પ્રબળ દાવેદાર ભારત સામે થશે. 

પોટચેફ્સ્ટ્રૂમમાં ન્યૂઝીલેન્ડની ટીમ ટોસ હારીને પ્રથમ બેટિંગ કરતા કોઈ મોટો સ્કોર ન બનાવી શકી. બાંગ્લાદેશના બોલરોએ કીવીઓને 211/8ના સ્કોર પર રોકી દીધું હતું. ત્યારબાદ બાંગ્લાદેશની ટીમે 44.1 ઓવરમાં 215/4 રન બનાવીને જીતનો લક્ષ્ય હાંસલ કરી લીધો હતો. બાંગ્લાદેશની આ જીતમાં મહમૂદુલ હસન જોયે 100 રન બનાવ્યા હતા. 127 બોલની ઈનિંગમાં તેણે 13 ચોગ્ગા ફટકાર્યા અને તે પ્લેયર ઓફ ધ મેચ રહ્યો હતો.