U19 ક્રિકેટ ટીમના કેપ્ટન પૃથ્વી શોને એમસીએ આપશે 25 લાખ રૂપિયાનું ઈનામ

મુંબઈઃ અન્ડર-19 ક્રિકેટ ટીમના કેપ્ટન પૃથ્વી શોને મુંબઈ ક્રિકેટ સંઘ (એમસીએ)એ 25 લાખ રૂપિયાનું ઈનામ આપવાની જાહેરાત કરી છે. એમસીએના અધ્યક્ષ અને ભાજપના ધારાસભ્ય આશીષ શેલારે ટ્વીટ કર્યું, અન્ડર-19 ટીમને ખૂબ ખૂબ શુભકામનાઓ. એમસીએ તરફથી કેપ્ટન અને મુંબઈના પૃથ્વી શોને ઈનામના રૂપમાં 25 લાખ રૂપિયા. આશા છે કે આ યુવા પ્રતિભાવોને પ્રોત્સાહિત કરશે. આ પહેલા ભારતે શનિવારે ઓસ્ટ્રેલિયાને 8 વિકેટે હરાવી ચોથી વખત વિશ્વકપ જીત્યો હતો. 

આ પહેલા 3 ફેબ્રુઆરીએ અન્ડર-19ના કેપ્ટન પૃથ્વી શોએ કહ્યું હતું કે પોતાની ટીમની ઉપલબ્ધિનું મહત્વ સમજે છે, પરંતુ પોતાની ભાવનાઓને શબ્દોમાં વ્યક્ત કરવી સંભવ નથી. શોએ કહ્યું અહીંથી સોનેરી યાદો લઈને જઈ રહ્યાં છીએ. હું અત્યારે વ્યક્ત ન કરી શકું કે શું અનુભવી રહ્યો છે. હું ખુબ ખુશ છું. 

તેણે કહ્યું કે, વિશ્વકપ જીતીને સારૂ લાગી રહ્યું છે. આનું અમારા માટે ખૂબ મહત્વ છે. અમે બેટિંગ કરીએ કે બોલિંગ, રમતનો આનંદ માણી રહ્યા છીએ.  તેણે કહ્યું બહુ લાગણી ન હતી. મજાક અને મસ્તી હતી. અણે ટૂર્નામેન્ટની રાહ જોઈ રહ્યા હતા, અમે એક-બે વર્ષથી સાથે રમી રહ્યા છીએ. કેપ્ટન તરીકે મને સારી ટીમ મળી છે. હું જ્યારે પણ દબાવમાં હતો ત્યારે ટીમે મારો સાથ આપ્યો છે.