નવી દિલ્હીઃ સ્વિમિંગ વર્લ્ડને નવો બાદશાહ મળી ગયો છે અને તે છે અમેરિકાનો સેલેવ ડ્રેસેલ. 22 વર્ષીય આ સ્વિમરે પોતાના દેશના મહાન માઇકલ ફેલ્પ્સના બે વિશ્વ રેકોર્ડ એક જ ટૂર્નામેન્ટમાં ચકનાચૂર કરી દીધા છે. પ્રથમ તો ફેલ્પ્સ 100 મીટર બટરફ્લાઈ અને બીજો એક જ વર્લ્ડ ચેમ્પિયનશિપમાં સૌથી વધુ 8 મેડલ જીતવાનો. દક્ષિણ કોરિયાના ગ્વાનજૂમાં વર્લ્ડ ચેમ્પિયનશિપ દરમિયાન ડ્રેસેલે નવા રેકોર્ડ સ્થાપ્યા છે. 


ડ્રેસેલે 100 મીટર બટરફ્લાઈ ઈવેન્ટની બીજી સેમિફાઇનલમાં 49.50 સેકન્ડનો સમય લીધો હતો. આ સાથે તેણે માઇકલ ફેલ્પ્સના 2009મા રોમ વર્લ્ડ ચેમ્પિયનશિપમાં બનાવવામાં આવેલા 49.82 સેકન્ડના રેકોર્ડને તોડી દીધો હતો. ડ્રેસેલે ફેલ્પ્સથી 0.32 સેકન્ડ ઓછા સમયમાં રેસ પૂરી કરી હતી. રેકોર્ડ તોડવા પર ફેલ્પ્સે પણ ડ્રેસેલને શુભેચ્છા આપી હતી. 


વાંચો સ્પોર્ટ્સના અન્ય સમાચાર