વેંકટેશ પ્રસાદે ટીમ ઈન્ડિયાનો પર્દાફાશ કર્યો, દુનિયાને જણાવ્યું કડવું સત્ય

નવી દિલ્હીઃ વેસ્ટઈન્ડિઝ વિરુદ્ધ બીજી વનડેમાં મળેલી હાર બાદ પૂર્વ ફાસ્ટ બોલર વેંકટેશ પ્રસાદે ટીમ ઈન્ડિયા પર નિશાન સાધ્યું છે. પ્રસાદે ટ્વીટ કરી કહ્યું કે ભારતીય ટીમનું લિમિટેડ ઓવરોમાં પ્રદર્શન ખુબ સાધારણ થઈ ગયું છે. વેસ્ટ ઈન્ડિઝ વિરુદ્ધ બીજી વનડેમાં ટીમ ઈન્ડિયા માત્ર 181 રનના સ્કોર પર ઓલઆઉટ થઈ ગઈ હતી અને વેસ્ટ ઈન્ડિઝે છ વિકેટે જીત મેળવી સિરીઝમાં 1-1ની બરોબરી કરી લીધી છે. 

ટીમ ઈન્ડિયાને મળેલી હાર પર વેંકટેશ પ્રસાદે ટ્વીટ કરી લખ્યું- ટેસ્ટ ક્રિકેટને જો છોડી દેવામાં આવે તો ટીમ ઈન્ડિયા બાકીના બે ફોર્મેટમાં ખુબ સાધારણ જોવા મળી છે. પાછલી વનડે સિરીઝ જેમાં બાંગ્લાદેશ, સાઉથ આફ્રિકા અને ઓસ્ટ્રેલિયા વિરુદ્ધ ટીમ ઈન્ડિયાની હાલત ખરાબ રહી છે.