નવી દિલ્લીઃ છેલ્લાં કેટલાંક સમયથી વર્લ્ડ ક્લાસ ક્રિકેટર અને ટીમ ઈન્ડિયાના પૂર્વ કેપ્ટન વિરાટ કોહલીની દશા બેઠી લાગે છે. લાંબા સમયથી કોહલી કોઈકને કોઈક કારણોસર વિવાદોમાં આવ્યો છે. જેને પગલે પહેલાં ટી-20 ત્યાર બાદ વન-ડે અને હવે હવે ટેસ્ટ ટીમમાંથી પણ તેણે કેપ્ટનશિપ છોડવાનો વારો આવ્યો છે. જોકે, તેના કરિયરને બચાવવામાં ટીમ ઈન્ડિયાના પૂર્વ કેપ્ટન મહેન્દ્ર સિંહ ધોનીનો મોટો ફાળો છે. શું છે આખી કહાની તે જાણવા માટે તમારે આ આર્ટિકલ વાંચવો પડશે.


COMMERCIAL BREAK
SCROLL TO CONTINUE READING

ટીમ ઈન્ડિયાના સૌથી સફળ ટેસ્ટ કેપ્ટન વિરાટ કોહલીએ તાજેતરમાં જ કેપ્ટનશિપમાંથી રાજીનામું આપીને વિશ્વ ક્રિકેટને ચોંકાવી દીધું હતું. એક સમય એવો હતો જ્યારે કેપ્ટન તરીકે વિરાટ કોહલી લગભગ ટીમ ઈન્ડિયામાંથી બહાર થઈ ગયો હતો, પરંતુ એમએસ ધોનીએ તેની કારકિર્દી બચાવી લીધી હતી.


કોહલી પણ ટીમની બહાર થઈ ગયો હોત-
આંતરરાષ્ટ્રીય ક્રિકેટમાં રન અને સદી ફટકારનાર વિરાટ કોહલીની કારકિર્દી ભૂતપૂર્વ સુકાની મહેન્દ્ર સિંહ ધોની (એમએસ ધોની) ના કારણે સંકુચિત રીતે સચવાઈ હતી. પસંદગીકારો વિરાટ કોહલીને ટીમ ઈન્ડિયામાંથી બહાર કરવા ઈચ્છતા હતા, પરંતુ ધોનીએ વચ્ચે પડીને તેની કારકિર્દી બચાવી લીધી.


પસંદગીકારો કોહલીને પડતો મૂકવા માંગતા હતા-
મહેન્દ્ર સિંહ ધોની પોતાની કેપ્ટનશીપમાં ટીમના ખેલાડીઓને ઘણી તકો આપતો હતો, પછી તે રોહિત શર્મા હોય કે વિરાટ કોહલી. 2012ના ઓસ્ટ્રેલિયન પ્રવાસમાં ખરાબ ફોર્મના કારણે પસંદગીકારો વિરાટ કોહલીને ટીમ ઈન્ડિયામાંથી બહાર કરવા માંગતા હતા, પરંતુ ધોનીએ વિરાટ કોહલીમાં વિશ્વાસ બતાવ્યો અને તેને ટીમમાંથી બહાર ન નિકળવા દીધો..


કોહલીનું પ્રદર્શન ખૂબ જ ખરાબ રહ્યું હતું-
આ વાતનો ખુલાસો પૂર્વ ભારતીય વિસ્ફોટક બેટ્સમેન વીરેન્દ્ર સેહવાગે કર્યો છે. સેહવાગે કહ્યું કે જો પસંદગીકારોએ 2012માં તેને ટીમમાંથી બહાર કર્યો હોત તો કોહલીને ક્યારેય ભારત માટે ટેસ્ટ મેચ રમવાની તક ન મળી હોત. ઓસ્ટ્રેલિયામાં કેટલીક ખરાબ ઈનિંગ્સ બાદ ભારતીય પસંદગીકારો કોહલીને પડતો મૂકવા માંગતા હતા. પ્રથમ બે ટેસ્ટમાં કોહલીએ માત્ર 10.75ની એવરેજથી રન બનાવ્યા હતા. સેહવાગ એ ટીમનો વાઈસ કેપ્ટન હતો અને ધોની કેપ્ટન હતો.


ધોનીની વચ્ચે પડીને કોહલીની કારકિર્દી બચાવી લીધી-
વીરેન્દ્ર સેહવાગે કહ્યું કે વર્ષ 2012માં કેપ્ટન મહેન્દ્ર સિંહ ધોની અને તેણે (સેહવાગે) મળીને કોહલીની જગ્યા બચાવી હતી. સેહવાગે કહ્યું, 'ઓસ્ટ્રેલિયા વિરૂદ્ધ રમાનારી ત્રીજી ટેસ્ટમાં પસંદગીકારોએ વિરાટ કોહલીની જગ્યાએ રોહિત શર્માને રમવાનો નિર્ણય કર્યો, પરંતુ તેણે અને કેપ્ટન ધોનીએ મળીને નિર્ણય કર્યો કે તે સ્થાને કોહલી જ રમશે.


સેહવાગે આગળ કહ્યું, 'તે સમયે હું ટીમનો ઉપ-કેપ્ટન હતો અને મહેન્દ્ર સિંહ ધોની ટીમની કપ્તાની કરી રહ્યો હતો, અમે બંનેએ પર્થ ટેસ્ટ માટે પ્લેઈંગ ઈલેવનમાં વિરાટ કોહલીનો સમાવેશ કર્યો હતો અને પછી જે થયું તે ઈતિહાસ છે. તે મેચમાં કોહલીએ પ્રથમ દાવમાં 44 અને બીજી ઈનિંગમાં 75 રન બનાવ્યા હતા. તમને જણાવી દઈએ કે વિરાટ કોહલીના નામે આંતરરાષ્ટ્રીય ક્રિકેટમાં 70 સદી છે. જો ધોનીએ વિશ્વાસ ન બતાવ્યો હોત તો ટીમ ઈન્ડિયાએ આ મહાન ખેલાડીને ગુમાવ્યો હોત.