World Cup 2019: વિરાટે ભગવા જર્સીને કરી પ્રંશસા, કહ્યું અમને ગર્વ છે
ઈન્ડિયન ક્રિકેટ ટીમના કેપ્ટન વિરાટ કોહલીએ ટીમની ભગવા જર્સીની પ્રશંસા કરતા કહ્યું કે, તેને તેના પર ગર્વ છે અને તે ખુબ સારી છે. તેણે કહ્યું કે, આ એકવાર પહેરવા માટે છે.
નવી દિલ્હીઃ વિશ્વ કપમાં ટીમ ઈન્ડિયાની ભગવા જર્સીને લઈને એક તરફ રાજકીય વર્તુળોમાં વાદ-વિવાદ થઈ રહ્યાં છે તો કેપ્ટન વિરાટ કોહલી ખુબ પ્રશંસા કરી રહ્યો છે. ભગવા રંગની આ જર્સી ઈંગ્લેન્ડની સાથે રવિવારે રમાનારી મેચમાં પહેરવામાં આવશે. તેણે કહ્યું કે, આ ટીમ માટે એક સ્માર્ટ કિટ છે અને ખેલાડીઓને ખુબ પસંદ આવી છે.
વિરાટ કોહલીએ કહ્યું, આ જર્સીનો કન્ટ્રાસ્ટ ખુબ સારો છે. એક ગેમ માટે આ ફેરફાર સારો લાગશે. મને નથી લાગતું કે આ જર્સીને સ્થાયી બનાવવા માટે કોઈ પ્રયત્ન કરવામાં આવશે કારણ કે બ્લૂ હંમેશા અમારો કલર રહ્યો છે. અમને નવી જર્સી પહેરવા પર ગર્વ થાય છે. અવસરને જોતા આ જર્સી એક સ્માર્ટ કિટ છે.
વાંચો સ્પોર્ટ્સના અન્ય સમાચાર