ODI રેન્કિંગઃ રોહિત-કોહલીનો બદબદો યથાવત, બોલરોમાં બુમરાહ પ્રથમ સ્થાને

દુબઈઃ ભારતીય ટીમના કેપ્ટન વિરાટ કોહલી અને તેના સાથી રોહિત શર્માએ આઈસીસી વનડે રેન્કિંગમાં પોતાનો દબદબો જાળવી રાખ્યો છે. આઈસીસી દ્વારા જારી વનડેના તાજા રેન્કિંગમાં કોહલી પ્રથમ સ્થાન પર છે, તો રોહિત બીજા સ્થાન પર છે. 

કોહલીના 886 પોઈન્ટ અને રોહિતના 868 પોઈન્ટ છે. આ બંન્ને બેટ્સમેનોએ રવિવારે ઓસ્ટ્રેલિયા વિરુદ્ધ રમાયેલી શ્રેણીની ત્રીજી અને નિર્ણાયક વનડે મેચમાં શાનદાર ઈનિંગ રમીને ભારતના શ્રેણી વિજયમાં મહત્વની ભૂમિકા ભજવી હતી. 

વનડે રેન્કિંગમાં ઓસ્ટ્રેલિયાના ઓપનર ડેવિડ વોર્નર અને કેપ્ટન આરોન ફિન્ચને એક-એક સ્થાનનો ફાયદો થયો છે. ડેવિડ વોર્નર સાતમાંથી છઠ્ઠા અને આરોન ફિન્ચ 11માંથી 10માં ક્રમે આવી ગયો છે.