World Cup 2023: શુભમન ગીલે માર્યો ચોગ્ગો તો સારા તેંડુલકર આનંદથી ઉછળી પડી, VIDEOમાં જોઈ લો ઉત્સાહ

World Cup 2023 : સારા તેંડુલકર ભારત અને બાંગ્લાદેશ વચ્ચેની વર્લ્ડ કપ મેચ જોવા પુણે પહોંચી હતી. આ મેચમાં ભારતીય ટીમના ઓપનિંગ બેટ્સમેન શુભમન ગિલે ફિફ્ટી ફટકારી હતી. સારાએ ગિલની બેટિંગનો ખૂબ જ આનંદ લીધો. તેનો વીડિયો સોશિયલ મીડિયા પર વાયરલ થઈ રહ્યો છે.

શુભમન ગિલ અને સારા તેંડુલકર
ભારતીય ટીમનો ઓપનિંગ બેટ્સમેન શુભમન ગિલ ડેન્ગ્યુને હરાવીને મેદાનમાં પરત ફર્યો છે. ગિલ વર્લ્ડ કપ 2023માં ભારતની પ્રથમ બે મેચ રમી શક્યો ન હતો. તે પાકિસ્તાન સામે સારી લયમાં દેખાતો હતો પરંતુ તે વહેલો આઉટ થઈ ગયો હતો. ગિલે બાંગ્લાદેશ સામે શાનદાર બેટિંગ કરી હતી. મહાન ક્રિકેટર સચિન તેંડુલકરની પુત્રી સારા તેંડુલકર આ મેચ જોવા પુણેના એમસીએ સ્ટેડિયમમાં હાજર રહી હતી.

ગિલની ફિફ્ટીની ઉજવણી
આ મેચ દરમિયાન સારા તેંડુલકર શુભમન ગિલને ચીયર કરતી જોવા મળી હતી. જ્યારે શુભમન ગિલે ઇનિંગની શરૂઆતમાં ચોગ્ગો ફટકાર્યો ત્યારે સારા આનંદથી ઉછળી પડી હતી. આ પછી ગિલે પોતાની ફિફ્ટી પૂરી કરી. ત્યારે પણ સારા ટીવી સ્ક્રીન પર જોવા મળી હતી. તે ભારતીય બેટ્સમેનની ફિફ્ટીને બિરદાવી રહી હતી. આ મેચમાં શુભમન ગિલે 55 બોલમાં 5 ચોગ્ગા અને 2 છગ્ગાની મદદથી 53 રનની ઇનિંગ રમી હતી.

આ પછી કોહલી બલ્લેબાજી કરી હતી અને તેણે 97 બોલમાં અણનમ 103 રન બનાવ્યા. પ્રથમ બેટિંગ કરતા બાંગ્લાદેશની ટીમ આઠ વિકેટે 256 રન જ બનાવી શકી હતી. ભારત તરફથી બુમરાહ, રવિન્દ્ર જાડેજા અને મોહમ્મદ સિરાજે બે-બે વિકેટ લીધી હતી. ભારતની આ સતત ચોથી જીત છે જેણે સેમિફાઇનલમાં પહોંચવાની તેની આશા વધારી દીધી છે.