Virat Kohli તેની દીકરી Vamika નો ચહેરો ક્યારે દેખાળશે? Fans ની સામે ખોલ્યું રાઝ

નવી દિલ્હી: ટીમ ઇન્ડિયાના (Team India) કેપ્ટન વિરાટ કોહલી (Virat Kohli) આઈસીસી વર્લ્ડ ટેસ્ટ ચેમ્પિયનશિપ ફાઇનલ (ICC World Test Championship Final) માટે તૈયાર છે. મહત્વનું છે કે, આ મેચ ભારત અને ન્યુઝીલેન્ડ (IND vs NZ) વચ્ચે 18 જૂન 2021 થી સાઉધમ્પ્ટનમાં (Southampton) રમાશે.

'ફેને કહ્યું- વામિકાનો ચહેરો બતાવો'
વિરાટ કોહલી (Virat Kohli) હાલમાં મુંબઇની એક હોટલ રૂમમાં ક્વોરન્ટાઈન છે. આ દરમિયાન તેણે પોતાના ચાહકો સાથે વાતચીત કરવાનું વિચાર્યું. તેણે ઇન્સ્ટાગ્રામ પર લખ્યું, હું ક્વોરેન્ટાઇનમાં છું, મને પ્રશ્નો પૂછો. આ સમય દરમિયાન એક વ્યક્તિએ ખૂબ જ વ્યક્તિગત પ્રશ્ન પૂછ્યો. ફેને કોહલીની પુત્રી વિશે કહ્યું, 'વામિકા એટલે શું? તે કેવી છે? શું હું તેની ઝલક જોઈ શકું?

આ પણ વાંચો:- સાગર હત્યાકાંડ: Sushil Kumar ના 4 દિવસ વધ્યા પોલિસ રિમાન્ડ, દર 24 કલાકમાં થશે મેડિકલ

વિરાટે કર્યો ઇનકાર
વિરાટ કોહલીએ (Virat Kohli) આનો જવાબ આપતા લખ્યું, દેવી દુર્ગાનું બીજું નામ વામિકા (Vamika) છે. ના, એક દંપતી તરીકે, અમે નક્કી કર્યું છે કે અમે સોશિયલ મીડિયા પર અમારા બાળકને બતાવીશું નહીં, જ્યાં સુધી તે પોતે ના સમજે કે સોશિયલ મીડિયા શું હોય છે અને તેના વિશે તે જાતે નિર્ણય લઇ શકે.

આ વર્ષે થયો વામિકાનો જન્મ
ઉલ્લેખનીય છે કે, 11 જાન્યુઆરી 2021 ના ​​રોજ વિરાટ-અનુષ્કા (Virat-Anushka) માતા-પિતા બન્યા. ખુદ ક્રિકેટર વિરાટ કોહલીએ ઇન્સ્ટાગ્રામ અને ટ્વિટર દ્વારા પુત્રી વામિકાના (Vamika) જન્મ વિશે માહિતી આપી હતી. આ કપલે હજી સુધી તેમની પુત્રીનો ચહેરો ચાહકોને બતાવ્યો નથી.