Team India: કોણ છે ઋતુરાજ ગાયકવાડની ભાવિ પત્ની? જેના માટે WTC ફાઇનલને કહી બાય બાય!

IND vs AUS, WTC Final: વર્લ્ડ ટેસ્ટ ચેમ્પિયનશિપ ફાઇનલ 2023 ભારત અને ઓસ્ટ્રેલિયા વચ્ચે 7મી જૂનથી રમાશે. આ મેચ લંડનના ઓવલ ક્રિકેટ ગ્રાઉન્ડમાં રમાશે. IPL 2023માં ચેન્નાઈ સુપર કિંગ્સ માટે ઘાતક બેટ્સમેન રહેલા ઋતુરાજ ગાયકવાડને ટીમ ઈન્ડિયાના સ્ટેન્ડબાય પ્લેયર તરીકે WTC ફાઇનલમાં જવાનો મોકો મળ્યો હતો, પરંતુ લગ્નના કારણે તેણે ન જવાનો નિર્ણય કર્યો. આવો તમને જણાવીએ કે તેની ભાવિ પત્ની કોણ છે જેના માટે તેણે આટલો મોટો નિર્ણય લીધો.

ઋતુરાજે મોટો નિર્ણય લીધો
ઋતુરાજ ગાયકવાડ, જેણે ટીમ ઈન્ડિયા માટે ODI અને T20 ડેબ્યુ કર્યું હતું અને WTC ફાઈનલ 2023 માટે સ્ટેન્ડબાય ખેલાડીઓમાં સામેલ છે, તે ટીમ ઈન્ડિયા સાથે લંડન જવા રવાના થશે નહીં. આ વાતની પુષ્ટિ કરતા બીસીસીઆઈના એક અધિકારીએ ઈન્ડિયન એક્સપ્રેસને જણાવ્યું હતું કે તેણે પોતે આ માહિતી આપી હતી. લગ્નના કારણે તે ટીમ સાથે લંડન નહીં જાય. સમાચાર અનુસાર, તે 4-5 જૂનના રોજ લગ્નના બંધનમાં બંધાવા જઈ રહ્યો છે.

કોણ છે ભાવિ પત્ની?
ચેન્નાઈ સુપર કિંગ્સ ચેમ્પિયન બન્યા બાદ ઋતુરાજ ગાયકવાડ તેની ભાવિ પત્ની ઉત્કર્ષ પવાર સાથે જોવા મળ્યો હતો. આ બંનેનો ટ્રોફી સાથેનો ફોટો પણ સામે આવ્યો હતો. જણાવી દઈએ કે ઉત્કર્ષ એક પ્રોફેશનલ ક્રિકેટર છે. 23 વર્ષીય ઉત્કર્ષ પુણેની રહેવાસી છે. તે મહારાષ્ટ્ર મહિલા ક્રિકેટ ટીમ માટે રમે છે. તે ઓલરાઉન્ડર છે. બેટિંગની સાથે તે મીડિયમ પેસર પણ છે. ઉત્કર્ષની ક્રિકેટ કારકિર્દી વિશે વાત કરીએ તો, તે 2012-13 અને 2017-18 સીઝનમાં મહારાષ્ટ્રની અંડર-19 ટીમમાં સામેલ હતી. તેની મહારાષ્ટ્રની સિનિયર ટીમમાં પણ પસંદગી થઈ છે. મીડિયા રિપોર્ટ્સ અનુસાર, ઋતુરાજ અને ઉત્કર્ષ લાંબા સમયથી રિલેશનશિપમાં છે, જે બાદ હવે તેઓ લગ્નના બંધનમાં બંધાવા જઈ રહ્યા છે.

IPL 2023માં ઋતુરાજનું બેટ ચાલ્યું
ઓપનર ઋતુરાજ ગાયકવાડે IPL 2023માં ચેન્નાઈ સુપર કિંગ્સ માટે મેચ વિનિંગ ઇનિંગ્સ રમી હતી. તેણે પ્રથમ મેચથી જ પોતાના ઈરાદા સ્પષ્ટ કરી દીધા હતા કે તે આ સિઝનમાં કેવા પ્રકારની બેટિંગ કરવા જઈ રહ્યો છે અને તે થયું. ગાયકવાડે IPLની આ સિઝનમાં 16 મેચમાં કુલ 590 રન બનાવ્યા હતા, જેમાં 4 અડધી સદીનો સમાવેશ થાય છે. જોકે, ગુજરાત ટાઇટન્સ સામેની ફાઇનલ મેચમાં તે મોટી ઇનિંગ રમી શક્યો નહોતો, પરંતુ તેણે 16 બોલમાં ઝડપી 26 રન ફટકાર્યા હતા.