IPL Final કોણ જીતશે? આ જાણિતા બિઝનેસમેન કરી ચોંકવનારી ભવિષ્યવાણી!

MS Dhoni VS Hardik Pandya: ઈન્ડિયન પ્રીમિયર લીગની ફાઈનલ સોમવારે અમદાવાદના નરેન્દ્ર મોદી સ્ટેડિયમમાં રમાશે. મહેન્દ્ર સિંહ ધોનીની આગેવાની હેઠળની ચેન્નાઈ સુપર કિંગ્સનો મુકાબલો હાર્દિક પંડ્યાની આગેવાની હેઠળની ગુજરાત ટાઇટન્સ સામે થશે. આ ફાઈનલને લઈને ક્રિકેટ વર્તુળોમાં ઘણા સમયથી અટકળો ચાલી રહી છે. આ કડીમાં જાણિતા બિઝનેસમેન આનંદ મહિન્દ્રાએ પણ ચોંકાવનારી ભવિષ્યવાણી કરી છે અને જણાવ્યું છે કે ફાઈનલમાં કઈ ટીમ જીતશે. આ દરમિયાન તેણે પોતાના મનપસંદ ખેલાડી વિશે પણ જણાવ્યું છે.

જોકે મહિન્દ્રા ગ્રુપના વડા આનંદ મહિન્દ્રાએ ટ્વિટર પર એક ટ્વીટ કર્યું અને તે થોડી જ વારમાં વાયરલ થઈ ગયું. તેણે લખ્યું કે મને પૂછવામાં આવ્યું કે હું ફાઇનલમાં કઈ ટીમને સપોર્ટ કરું છું. મને શુભમન ગિલની પ્રતિભા પર પૂરો વિશ્વાસ છે. તેમને રાત્રે જીતતા જોવા માંગું છો. પરંતુ હું ધોનીનો મોટો પ્રશંસક છું અને તેની પાસેથી અપેક્ષા રાખ્યા વિના રહી શકતો નથી. તેથી સારી ટીમને જીતવા દો.

IPL 2023ની ફાઇનલ મેચ સોમવારે સાંજે 7:30 વાગ્યાથી અમદાવાદના નરેન્દ્ર મોદી સ્ટેડિયમમાં રમાશે. મહેન્દ્ર સિંહ ધોની પોતાની કપ્તાનીમાં ચેન્નાઈની ટીમને પાંચમું ટાઈટલ જીતાડવાના ઈરાદા સાથે મેદાનમાં ઉતરશે. જ્યારે ગુજરાત ટાઇટન્સ બીજી વખત ટાઇટલ જીતવાની તૈયારીમાં છે. અહીં એમએસ ધોની પણ તેની IPL કરિયરની 250મી મેચ માટે તૈયાર છે. આ મેચમાં ધોનીના ઉતરવાની સાથે જ તે IPL ઈતિહાસમાં 250 મેચ રમનાર પ્રથમ ખેલાડી બની જશે.