World Cup 2019 : ભારત સહિત 7 દેશે કરી ટીમની જાહેરાત, જાણો કોણ ઈન, કોણ આઉટ...
ભારત, પાકિસ્તાન, શ્રીલંકા, બાંગ્લાદેશ, ઈંગ્લેન્ડ, ઓસ્ટ્રેલિયા અને દક્ષિણ આફ્રિકાએ આગામી ક્રિકેટ વર્લ્ડ કપ 2019 માટે પોતાની ક્રિકેટ ટીમની જાહેરાત કરી દીધી છે, જેમાંથી કેટલાક દિગ્ગજ તો વળી કેટલાક યુવાન ચહેરાઓને સ્થાન આપવામાં આવ્યું છે.
નવી દિલ્હીઃ ઈંગ્લેન્ડ અને વેલ્સમાં 30 મે, 2019થી શરૂ થઈ રહેલા ક્રિકેટ વર્લ્ડ કપ માટે ભારત સહિત 7 દેશ દ્વારા પોત-પોતાની ટીમની જાહેરાત કરી દેવાઈ છે. જેમાંથી કેટલાક દિગ્ગજ તો વળી કેટલાક યુવાન ચહેરાઓને સ્થાન આપવામાં આવ્યું છે. અત્યાર સુધી ભારત, પાકિસ્તાન, શ્રીલંકા, બાંગ્લાદેશ, ઈંગ્લેન્ડ, ઓસ્ટ્રેલિયા અને દક્ષિણ આફ્રિકાએ આગામી ક્રિકેટ વર્લ્ડ કપ 2019 માટે પોતાની ક્રિકેટ ટીમની જાહેરાત કરી દીધી છે, જ્યારે હવે માત્ર વેસ્ટ ઈન્ડિઝ અને અફઘાનિસ્તાન દ્વારા ટીમની જાહેરાત બાકી છે.
ભારતીય ટીમની સમીક્ષા
ભારત ટીમમાં અત્યારે સફળતાના શિખરે બીરાજમાન વિરાટ કોહલીને કેપ્ટન બનાવાયો છે. તે સફળ બેટ્સમેન પણ છે. દિનેશ કાર્તિકને રિઝર્વ વિકેટકીપર તરીકે પસંદ કરાયો છે. વિજય શંકર ઓલરાઉન્ડર ખેલાડી છે. ભવનેશ્વર કુમાર ડાબોડી ફાસ્ટ બોલર છે. રવિન્દ્ર જાડેજાનો ત્રીજા સ્પીનર તરીકે વર્લ્ડ કપની ટીમમાં સ્થાન મળ્યું છે. લોકેશ રાહુલને ટીમમાં ત્રીજા ક્રમના બેટ્સમેન તરીકે સ્થાન મળ્યું છે. કેદાર જાધવ ઝડપથી રન બનાવવા, મોટા શોટ્સ મવા ઉપરાંત વિકેટ લેવાની ક્ષમતાને કારણે ટીમ-11માં પોતાનું સ્થાન પાકુ કરાવાનો મજબૂત દાવેદાર છે.
યુજવેન્દ્ર ચહલ મર્યાદિત ઓવરોની ટીમનો કાયમી સભ્ય છે. મહેન્દ્ર સિંહ ધોનીનો કદાચ આ અંતિમ વર્લ્ડ કપ હશે. જસપ્રીત બુમરાહ ફાસ્ટ બોલિંગનો મોરચો સંભાળશે. હાર્દિક પંડ્યા પણ ઓલરાઉન્ડર ખેલાડી છે. રોહિત શર્માને 'હિટમેન'ના નામથી ઓળખવામાં આવે છે. શિખર ધવન પાસે બોલની લેન્થને ઝડપથી જાણી લેવાની ક્ષમતા છે. કુલદીપ યાદવ પણ સ્પીનર તરીકે મહત્વનો બોલર છે. મોહમ્મદ શમી અત્યારે શાનદાર ફોર્મમાં છે અને ડાબોડી બેટ્સમેન તથા મીડિયમ પેસર બોલર છે.
ટીમ ઈન્ડિયાઃ
વિરાટ કોહલી (કેપ્ટન), રોહિત શર્મા (વાઇસ કેપ્ટન), શિખર ધવન, કેએલ રાહુલ, વિજય શંકર, એમએસ ધોની, કેદાર જાધવ, દિનેશ કાર્તિક, યુજવેન્દ્ર ચહલ, કુલદીપ યાદવ, હાર્દિક પંડ્યા, મોહમ્મદ શમી, ભુવનેશ્વર કુમાર, જસપ્રીત બુમરાહ, રવીન્દ્ર જાડેજા.
ઓસ્ટ્રેલિયાની ટીમ
એરોન ફિન્ચ (કેપ્ટન), જેનસ શ્રેન્ડોર્ફ, એલેક્સ કેરી(વિકેટકીપર), નાથન કોલ્ટર, પેટ કમિન્સ, ઉસમાન ખ્વાજા, નાથન લાયન, શોન માર્શ, ગ્લેન મેક્સવેલ, જેય રિચર્ડસન, સ્ટીવ સ્મિથ, મિશેલ સ્ટાર્ક, માર્કસ સ્ટોનિસ, ડેવિડ વોર્નર, આદમ ઝમ્પા.
બાંગ્લાદેશની ટીમ
મુશરફે મોર્તજા (કેપ્ટન), તમીમ ઇકબાલ, મબમૂદુલ્લાહ, મુશફિકુર રહીમ, શાકિબ અલ હસન (વાઇસ કેપ્ટન), સૌમ્યા સરકાર, લિટન દાસ, શબ્બીર રહમાન, મેહદી હસન, મોહમ્મદ મિથુન, રૂબેલ હુસૈન, મુસ્તફિઝુર રહમાન, મોહમ્મદ સૈફુદ્દીન, મોસાદેક હુસૈન, અબુ ઝાયદ.