લૉકડાઉનમાં ફરજ નિભાવી રહ્યો છે વર્લ્ડ ચેમ્પિયન બોલર, ICCએ કરી સલામ

નવી દિલ્હીઃ 2007 ટી-20 વિશ્વકપની ફાઇનલમાં પાકિસ્તાનને ભારત વિરુદ્ધ અંતિમ 4 બોલમાં 6 રનની જરૂર હતી અને તેની જીત પાક્કી લાગી રહી હતી. ત્યારે પાકિસ્તાને 9 વિકેટ ગુમાવી દીધી હતી. આવી મુશ્કેલ સ્થિતિમાં ભારતનો બોલર જોગિન્દર શર્મા હીરો બનીને ઉભર્યો અને હારના મોઢામાંથી જીત છીનવીને ટીમ ઈન્ડિયાને વિશ્વકપની ટ્રોફી અપાવી હતી. 

જોગિન્દર શર્મા આ દિવસોમાં કોરોના વાયરસના ખતરા વચ્ચે લૉકડાઉનમાં ડ્યૂટી નિભાવી રહ્યો છે. જોગિન્દર શર્મા હરિયાણા પોલીસમાં ડીએસપીના પદ પર છે. મુશ્કેલ સ્થિતિમાં જોગિન્દરનો આવો જુસ્સો જોઈને આઈસીસીએ તેને સલામ કરી છે.