વિશ્વ કપ જીતવા પર બ્રિટનના વડાપ્રધાન થેરેસા મેએ ઈંગ્લેન્ડ ક્રિકેટ ટીમને આપી શુભેચ્છા

લંડનઃ બ્રિટનના વડાપ્રધાન થેરેસા મેએ કહ્યું કે, ઈંગ્લેન્ડે વિશ્વ કપ જીતતા તેનો દેશ બીજીવાર ક્રિકેટ તરફ આકર્ષિત થયો છે. સમાચાર એજન્સી સિન્હુઆ અનુસાર, મેએ ટાઇટલ જીતનારી ઈંગ્લેન્ડની ટીમ માટે સોમવારે રાત્રે 10 ડાઉનિંગ સ્ટ્રીટમાં એક રિસેપ્શનનું આયોજન કર્યું હતું. 

મેએ કહ્યું, 'બધાએ મળીને એક શાનદાર થ્રિલર રજૂ કર્યું. તે મેચ અમારા સમયના સૌથી રોમાંચક મુકાબલામાંથી એક છે.'

તેમણે કહ્યું, 'તમે દેશને બીજીવાર ક્રિકેટ તરફ આકર્ષિત કર્યો છે. અમારી પાસે એવી ટીમ છે જેની આવનારી પેઢી પણ પ્રશંસા કરશે.'