ભારતમાં સૌથી વધારે વેચાઈ રહી છે આ 3 બાઈક, કેમ મોટામોટા બેંક મેેનેજરો વાપરે છે આ બાઈક?

Top-3 Best Selling Bikes In November 2023: ભારતમાં જાહેર પરિવહન માટે રેલવે ખૂબ જ મહત્વપૂર્ણ છે. રેલવેની ભૂમિકા સાર્વજનિક પરિવહનમાં છે, તે જ રીતે વ્યક્તિગત પરિવહનમાં ટુ-વ્હીલરની ભૂમિકા છે. ટુ-વ્હીલર લોકોના જીવનમાં મહત્વનો ભાગ ભજવે છે. ભારતની મોટી વસ્તી ટુ-વ્હીલરનો ઉપયોગ કરે છે. જો આપણે માત્ર મોટરસાઈકલની વાત કરીએ તો સૌથી વધુ વેચાતી મોટરસાઈકલ હીરો સ્પ્લેન્ડર છે. ચાલો અમે તમને નવેમ્બર 2023માં સૌથી વધુ વેચાતી ત્રણ મોટરસાઇકલ વિશે માહિતી આપીએ.

1. Hero Splendor:
Hero Splendor નવેમ્બર 2023માં સૌથી વધુ વેચાતી મોટરસાઇકલ રહી છે. જોકે, વાર્ષિક ધોરણે તેના વેચાણમાં થોડો ઘટાડો થયો છે. પરંતુ, તેમ છતાં તે નંબર-1નું સ્થાન જાળવી રાખવામાં સફળ રહી છે. નવેમ્બર 2023માં હીરો સ્પ્લેન્ડરના 2,50,786 યુનિટ્સ વેચાયા હતા જ્યારે નવેમ્બર 2022માં 2,65,588 યુનિટ વેચાયા હતા. એટલે કે જો વાર્ષિક ધોરણે જોવામાં આવે તો વેચાણમાં 5.57 ટકાનો ઘટાડો થયો છે.

2. Honda Shine:
હીરો સ્પ્લેન્ડર પછી હોન્ડા શાઈન બીજા સ્થાને હતી. વાર્ષિક ધોરણે તેના વેચાણમાં 35.64% ની સકારાત્મક વૃદ્ધિ નોંધાઈ છે. હોન્ડા શાઈને નવેમ્બર 2022માં 1,14,965 યુનિટ્સનું વેચાણ કર્યું હતું, જે આ વર્ષે (2023) નવેમ્બર મહિનામાં વધીને 1,55,943 યુનિટ થયું હતું. તમને જણાવી દઈએ કે હોન્ડા ભારતમાં ટુ-વ્હીલરનું વેચાણ કરતી બીજી સૌથી મોટી કંપની છે.

3. Bajaj Pulsar:
બજાજની પલ્સર શ્રેણી હીરો સ્પ્લેન્ડર અને હોન્ડા શાઈન પછી ત્રીજા સ્થાને છે. તમને જણાવી દઈએ કે પલ્સર સીરીઝમાં ઘણી અલગ-અલગ મોટરસાઈકલ છે. નવેમ્બર 2023માં તમામનું કુલ વેચાણ 1,30,403 યુનિટ હતું જ્યારે નવેમ્બર 2022માં વેચાણ 72,735 યુનિટ હતું. એટલે કે વાર્ષિક ધોરણે તેનું વેચાણ 79.28% વધ્યું છે.