Google Maps પર આ ટુલ તમને દુર્ઘટના અને ટ્રાફિક પોલીસના ચલાણથી બચાવશે, જાણો

નવી દિલ્લીઃ આજની તારીખમાં, માર્ગો જાણતા ન હોવા છતાં, વાહનચાલકો ચોક્કસ સરનામે પહોંચી જાય છે. તેનું કારણ છે મોબાઈલમાં હાજર ગૂગલ મેપ્સ, જે ન માત્ર રૂટની સચોટ માહિતી આપે છે, પરંતુ લોકોને ભટકતા પણ બચાવે છે અને સમયનો વ્યય થવા દેતા નથી. એકંદરે, આ એક ખૂબ જ અસરકારક સુવિધા છે, જેનો ઉપયોગ હવે સર્વત્ર થાય છે. પરંતુ શું તમે જાણો છો કે ગૂગલ મેપ્સ પણ અકસ્માતોથી પણ બચાવે છે? એટલું જ નહીં, તે તમને ટ્રાફિક ચલાણથી પણ બચાવે છે, આ માટે તમારે હવે એક ટૂલનો ઉપયોગ કરવો પડશે. આ સુવિધા વિશે ઘણા લોકો જાણતા નથી, તેથી અમે તમને આ ટૂલને સરળ સ્ટેપ્સને એક્ટિવેટ કરવા માટે માહિતી આપશું.

તમારી ગતિને પર કરો નિયંત્રિણ-
ગૂગલ મેપ્સના આ ટૂલનું નામ છે સ્પીડ લિમિટ વોર્નિંગ. આમાં ગૂગલ મેપ્સ તમારા વાહનની સ્પીડને સેન્સ કરે છે અને તમે હાઈ સ્પીડ પર પહોંચતા જ તમને એલર્ટ કરી દે છે. મોટા ભાગના અકસ્માતો વધુ ઝડપે વાહનને નિયંત્રિત કરવામાં અસમર્થતાને કારણે થાય છે. આવી સ્થિતિમાં, જો તમે મર્યાદિત ગતિએ વાહન ચલાવો છો, તો અકસ્માતની સંભાવના ઘણી ઓછી થઈ જાય છે. ટ્રાફિક પોલીસ અતિશય ઝડપે તમારું ચલાણ કાપે છે, ગૂગલ મેપ્સ પણ સ્પીડ લિમિટ એલર્ટ સાથે તમને આ ચલાણથી બચાવે છે. તમે સ્પીડને લઈને સતર્ક રહો છો અને જાન-માલનું કોઈ નુકસાન ન થાય.

આ રીતે સ્પીડ લિમિટ ટૂલ એક્ટિવેટ કરો-
તમારા મોબાઈલ પર સ્પીડ લિમિટ ટૂલનો ઉપયોગ કરવા માટે, તમારે Google Mapsના લેટેસ્ટ વર્ઝનને અપડેટ કરવાની જરૂર છે. તમે Google Maps પર જઈને તેને અપડેટ કરી શકો છો. હવે આ સ્ટેપ્સ ફોલો કરો...

1. Google Maps ખોલો અને જમણી બાજુના પ્રોફાઇલ આઈકનને ટચ કરો.
2. ત્યારપછી, સેટિંગ્સ વિકલ્પ પર જઈને નેવિગેશન સેટિંગ્સ પર ટેપ કરો.
3. હવે સ્પીડ લિમિટ સેટિંગવાળું ઓપશન પસંદ કરો.
4. તે પછી સ્ક્રીનના તળિયે જાઓ અને નીચે સ્ક્રોલ કરો અને ડ્રાઇવિંગ વિકલ્પ પસંદ કરો.
5. છેલ્લે સ્પીડ લિમિટ અને સ્પીડોમીટર વિકલ્પ ચાલુ કરો.
6. આ કર્યા પછી, Google Mapsનું આ ટૂલ તમારા સ્માર્ટફોનમાં ચાલુ થઈ જશે અને તમને સ્પીડ લિમિટ વિશે માહિતી મળવા લાગશે.