નવી દિલ્હીઃ આજના સમયમાં દેશમાં ત્રણ ટેલીકોમ કંપનીનો દબદબો જોવા મળી રહ્યો છે. જે જિયો, એરટેલ અને વીઆઈ છે. તેમાં સૌથી નવી કંપની જિયો છે અને તે દેશની નંબર વન કંપની પણ છે. જિયો પોતાના યૂઝર્સને સૌથી સસ્તા અને કમાલના બેનિફિટ્સવાળા પ્લાન ઓફર કરે છે. આજે અમે તમને જિયોના એક એવા પ્રીપેડ પ્લાન વિશે માહિતી આપી રહ્યાં છીએ જે 500 રૂપિયાથી ઓછી કિંમતમાં દમદાર બેનિફિટ્સ આપી રહ્યાં છે. 


COMMERCIAL BREAK
SCROLL TO CONTINUE READING

જિયો ઓછી કિંમતમાં આવી રહ્યું છે 84 જીબી ડેટા
જિયો 56 દિવસની વેલિડિટી સાથે ઘણા પ્લાન ઓફર કરે છે. આજે અમે જિયોના જે પ્લાનની વાત કરી રહ્યાં છીએ તેની કિંમત 479 રૂપિયા છે અને આ પ્લાન 56 દિવસની વેલિડિટી સાથે આવે છે. જેમાં કંપની તમને દરરોજ 1.5જીબી ડેટા આપશે એટલે કે કુલ મળીને ગ્રાહકોને 84જીબી ડેટા મળશે. 


 આ પ્લાનમાં યૂઝર્સને કોઈપણ નેટવર્ક પર અનલિમિટેડ કોલિંગનો લાભ આપવામાં આવી રહ્યો છે. આ સિવાય દરરોજ 100 એસએમએસનો ફાયદો મળે છે. ઓટીટી બેનિફિટની વાત કરીએ તો પ્લાનમાં તમને જિયો ક્લાઉડ, જિયો સિનેમા અને જિયો ટીવી જેવી એપ્સનું ફ્રી સબ્સક્રિપ્શન આપવામાં આવે છે. 


આ પણ વાંચોઃ આ દિવસે લોન્ચ થશે ટ્રાંસપરન્ટ સ્માર્ટફોન, જાણો ફીચર્સ અને પ્રી બુકિંગની ડિટેલ્સ


જિયોના 56 દિવસની વેલિડિટીવાળા બીજા પ્લાનની વાત કરીએ તો કંપનીનો એક પ્લાન 533 રૂપિયાનો છે, જેમાં દરરોજ બે જીબી ડેટા, અનલિમિટેડ કોલિંગ અને દરરોજ 100 એસએમએસ આપવામાં આવી રહ્યાં છે. આ પ્લાનમાં પણ યૂઝર્સને જિયો એપ્સનું ફ્રી સબ્સક્રિપ્શન આપવામાં આવી રહ્યું છે. 


જિયોના ત્રીજા 56 દિવસની વેલિડિટીવાળા પ્લાનમાં કંપની ગ્રાહકને દરરોજ 2 જીબી ઈન્ટરનેટ, અનલિમિટેડ કોલિંગ, દરરોજ 100 એસએમએસની સાથે ડિઝ્ની+હોટસ્ટારનું એક વર્ષનું સબ્સક્રિપ્શન આપે છે. આ પ્લાનની કિંમત 799 રૂપિયા છે. 


આ છે જિયોના સૌથી શાનદાર પ્રીપેડ પ્લાન્સ જેની વેલિડિટી 56 દિવસની છે. હવે તમે તમારી જરૂરીયાત પ્રમાણે રિચાર્જ કરાવી શકો છો.  


લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube