નવી દિલ્હીઃ તમે આ સોશિયલ મીડિયા પ્લેટફોર્મનો ફ્રીમાં ઉપયોગ નહીં કરી શકો, યુરોપ બાદ મેટા ભારતમાં પણ ભવિષ્યમાં ફી લાગુ કરી શકે છે.  મેટા પ્લેટફોર્મનો ઉપયોગ કરવા માટે તમારે ફી ચૂકવવી પડશે. પરંતુ આ નિયમ ભારતમાં નહીં પરંતુ યુરોપના કેટલાક દેશોમાં લાગુ છે. અહીં તમારે એડ-ફ્રી ફેસબુક અને ઇન્સ્ટાગ્રામનો ઉપયોગ કરવા માટે ફી ચૂકવવી પડશે. મેટાએ થોડા સમય પહેલા આ અંગે નિર્ણય લીધો હતો. આ કંપનીના સબસ્ક્રિપ્શન મોડલનો એક ભાગ હતો. મેટા દ્વારા આ અંગેની જાહેરાત કરવામાં આવી હતી. હવે જેને લગતી નવી માહિતી સામે આવી છે.


COMMERCIAL BREAK
SCROLL TO CONTINUE READING

કંપનીએ સબસ્ક્રિપ્શન મોડલની ફીમાં ઘટાડો કર્યો છે. Facebookની ફી ઘટાડીને EUR 5.99 (લગભગ રૂ. 540) કરવામાં આવી છે. તે જ સમયે, Instagram માટે ફી ઘટાડીને EUR 9.99 (લગભગ 900 રૂપિયા) કરવામાં આવી છે. કંપનીએ પ્રાઈવસીને ધ્યાનમાં રાખીને આ નિર્ણય લીધો છે. હકીકતમાં, આ નીતિનો યુરોપમાં પ્રાઈવસી એક્ટિવિસ્ટ અને ગ્રાહક જૂથો દ્વારા વિરોધ કરવામાં આવી રહ્યો હતો.


આ પણ વાંચોઃ WhatsApp પર ચેટિંગ માટે નહીં પડે નંબર સેવ કરવાની જરૂર, જલ્દી જાણી લો આ કમાલની ટ્રિક


મેટા તરફથી કહેવામાં આવ્યું હતું કે ગોપનીયતા સુનિશ્ચિત કરવા માટે આ ફી ચૂકવવી પડશે. વાસ્તવમાં મેટા તેના યુઝર્સના ડેટાનો ઉપયોગ કરતી હતી, પરંતુ યુરોપીયન નિયમોના નવા ડેટા પ્રાઈવસી કાયદા બાદ મેટાએ ડેટા એક્સેસ ન કરી શકવા બદલ ચાર્જ વસૂલવાનો નિર્ણય લીધો હતો. નવેમ્બરમાં લાગુ થયેલા આ નિયમનો ઘણો વિરોધ થયો હતો. આ ચાર્જ 18 વર્ષ કે તેથી વધુ વયના વપરાશકર્તાઓ પાસેથી વસૂલવામાં આવે છે.


આ પણ વાંચો- Jio Dhan Dhana Dhan Offer: જિયો યૂઝર્સને મોજ, IPL 2024 શરૂ થતાં પહેલા આવી ધાંસૂ ઓફર


યુરોપિયન યુનિયન અને સ્વિટ્ઝર્લેન્ડ જેવા દેશો માટે મેટા દ્વારા ચાર્જ લાગુ કરવામાં આવ્યો હતો. 1 નવેમ્બરથી અમલમાં આવ્યા બાદ, શરૂઆતમાં તે 9.99 યુરો (લગભગ રૂ. 880) પ્રતિ મહિને રાખવામાં આવ્યો હતો. ઉપરાંત, iOS અને Android વપરાશકર્તાઓને 12.99 યુરો (લગભગ રૂ. 1,100) ચૂકવવાનું કહેવામાં આવ્યું હતું. જોકે, હવે આમાં ઘણો ઘટાડો થયો છે. હજુ પણ કેટલીક સંસ્થાઓ તેનો વિરોધ કરી રહી છે. તેમનું કહેવું છે કે લોકોની પ્રાઈવસી જાળવવાનું કંપનીનું કામ છે. આ માટે યુઝર્સ પાસેથી ચાર્જ લેવામાં આવવો જોઈએ નહીં.