Gmail અને ગૂગલ ડ્રાઇવમાં ખામી, ઈમેલ મોકલવા અને ફાઇલ અપલોડ-ડાઉનલોડ કરવામાં સમસ્યા

નવી દિલ્હીઃ Googleની ઈમેલ સર્વિસ Gmail ડાઉન ચાલી રહી છે. વિશ્વભરના ગૂગલ યૂઝર ફરિયાદ કરી રહ્યાં છે કે તેને જીમેલ યૂઝ કરવામાં છેલ્લી કેટલીક કલાકોથી સમસ્યા આવી રહી છે. યૂઝરનું કહેવું છે કે જીમેલમાં કોઈ ગડબડીને કારણે તેને ઈમેલ મોકલવા અને ફાઇલ અટેચ કરવામાં સમસ્યા આવી રહી છે. ડાઉનડિટેક્ટરના રિપોર્ટ પ્રમાણે જીમેલમાં આવેલી આ ખામીને કારણે વિશ્વના ઘણા દેશો સિવાય ભારતીય યૂઝરને પણ મુશ્કેલી થઈ રહી છે. 

ગૂગલ ડ્રાઇવમાં પણ સમસ્યા
કેટલાક રિપોર્ટ્સમાં ગૂગલ ડ્રાઇવ પણ ડાઉન હોવાની વાત કહેવામાં આવી છે. રિપોર્ટ્સ પ્રમાણે કેટલાક યૂઝરને ગૂગલ ડ્રાઇવ દ્વારા ફાઇલ શેર થઈ શકતી નથી. એટલું જ નહીં, કેટલાક યૂઝરોને તો તે પણ ફરિયાદ છે કે તેને ગૂગલ ડ્રાઇવથી ફાઇલ ડાઉનલોડ અને ગૂગલ ડ્રાઇવમાં ફાઇલ અપલોડ કરવામાં પણ સમસ્યા થઈ રહી છે.