Toyota ના વેચાણમાં જોરદાર ઉછાળો, ગયા વર્ષ કરતા કારનું વેચાણ બમણું થયું

Toyota Sales In May 2023: મે મહિનામાં ટોયોટા કિર્લોસ્કર મોટર (TKM) નું વેચાણ બમણું થયું છે, કંપનીએ કુલ 20,410 યુનિટ્સ વેચ્યા છે, જ્યારે ગયા વર્ષના મે મહિના (2022)ની વાત કરીએ તો માત્ર 10,216 યુનિટ્સ વેચાયા હતા. . કંપનીએ કહ્યું છે કે છેલ્લા મહિનામાં (મે 2023) સ્થાનિક બજારમાં તેનું જથ્થાબંધ વેચાણ 19,379 યુનિટ થયું છે. તેણે મે મહિનામાં અર્બન ક્રુઝર હાઇરાઇડરના 1,031 યુનિટની નિકાસ પણ કરી હતી. ટોયોટા કિર્લોસ્કર મોટરના વાઇસ પ્રેસિડેન્ટ (સેલ્સ અને સ્ટ્રેટેજિક માર્કેટિંગ) અતુલ સૂદે જણાવ્યું હતું કે કંપનીએ મે મહિનામાં તેનું અત્યાર સુધીનું સૌથી વધુ માસિક વેચાણ નોંધાવ્યું છે.

આ પણ વાંચો:
આ છે દેશની સૌથી સસ્તી Sunroof કાર, CNG ઓપ્શન પણ છે અવેલેબલ
માર્કેટમાં ધૂમ મચાવા આવી ગયો છે Nokia નો Flip Phone, 7,000 માં મેળવો આકર્ષક ફીચર્સ
IPL 2023 સાથે ટીમ ઈન્ડિયાના આ 3 ખેલાડીઓના કરિયરનો આવ્યો અંત!

ટોયોટાની યોજના
મીડિયા રિપોર્ટ્સ અનુસાર, જાપાની ઓટોમેકર ટોયોટા આ વર્ષે દેશમાં હાલના મારુતિ સુઝુકી વાહનો પર આધારિત બે મોડલ લોન્ચ કરી શકે છે. આમાંથી એક Fronx પર આધારિત SUV હશે અને બીજી Ertiga પર આધારિત MPV હશે. મારુતિ સુઝુકી ફ્રૉન્ક્સ પર આધારિત ટોયોટાની નવી SUV કૂપમાં સ્ટાઇલના સંદર્ભમાં ઘણા ફેરફારો થવાની શક્યતા છે, જેના કારણે તે Fronx કરતાં અલગ દેખાશે. 

તે જ સમયે, Ertiga MPV પર આધારિત ટોયોટાની નવી 3-રો MPV ની ડિઝાઇનમાં પણ ફેરફારો જોવા મળશે. કંપની પહેલાથી જ દક્ષિણ આફ્રિકાના બજારમાં Rumion નામથી રિ-બેજવાળી Ertiga વેચી રહી છે. જો કે, ઈન્ડિયા-સ્પેક મોડલમાં મોટા ડિઝાઈન ફેરફારો અને અપડેટેડ કેબિન મળશે.