નવી દિલ્હીઃ ભારતમાં iPhone 16નું વેચાણ શરૂ થઈ ગયું છે. ઘણી ઈ-કોમર્સ વેબસાઇટ્સ અને રિટેલ સ્ટોર્સ આ પ્રીમિયમ સ્માર્ટફોન પર ડિસ્કાઉન્ટ અને કેશબેક ઓફર કરી રહ્યાં છે. હવે આ શ્રેણીમાં, ICICI બેંકે તેના ગ્રાહકોને Apple ઉત્પાદનો પર ત્વરિત કેશબેક અને સસ્તું EMI સાથે નવા iPhone ખરીદવાની તક આપી છે. આ સિવાય Apple Watch પર ₹2,500 સુધીનું અને AirPods પર ₹1,500 સુધીનું ઈન્સ્ટન્ટ કેશબેક પણ ઉપલબ્ધ હશે. આ ઑફર 31 ડિસેમ્બર, 2024 સુધી માન્ય છે.


COMMERCIAL BREAK
SCROLL TO CONTINUE READING

વ્યાજ ફ્રી હપ્તામાં ખરીદી શકો છો આઈફોન
ICICI બેંક ખાસ કરીને ક્રેડિટ કાર્ડ ધારકોને Appleના 'iPhone for Life' પ્રોગ્રામમાં નોંધણી કરાવવાનો વિકલ્પ આપી રહી છે. આ હેઠળ, પસંદગીના iPhone મોડલને ₹2,497 થી શરૂ કરીને 24 મહિનાના વ્યાજમુક્ત હપ્તામાં ખરીદી શકાય છે. તમે iPhone 16 ખરીદવા પર ₹5,000 સુધીનું ઈન્સ્ટન્ટ કેશબેક મેળવી શકો છો. આ સિવાય Apple વોચ પર ₹2,500 સુધીનું ઈન્સ્ટન્ટ કેશબેક અને AirPods પર ₹1,500નું ઈન્સ્ટન્ટ કેશબેક પણ ઉપલબ્ધ હશે.


આ પણ વાંચોઃ Jio નો દિવાળી પહેલા મોટો ધમાકો, દરરોજ 10 રૂપિયા ખર્ચમાં મળશે 2GB ડેટા


જૂના iPhone ને પરત વેચવાની પણ મળશે ગેરંટી
આઈસીસીઆઈસીઆઈ બેંક તેના ગ્રાહકોને જો તેઓ નવો આઈફોન ખરીદે તો જૂનો આઈફોન પાછો વેચવાની ગેરંટી પણ આપી રહી છે. આ ઓફર iPhone 16 Pro Max, iPhone 16 Pro, iPhone 16 Plus અને iPhone 16 પર લાગુ છે. ICICI તરફથી આ ઑફરનો લાભ લેવા માટે, તમે Appleના કોઈપણ અધિકૃત રિસેલર સ્ટોર્સ જેમ કે Aptronix, Imagine, Unicorn, Croma, Reliance, Vijay Sales, Poorvika, Musica અને Amazon અને Flipkart જેવા ઑનલાઇન પ્લેટફોર્મની મુલાકાત લઈ શકો છો.


ઓફર અંગે ટિપ્પણી કરતા, ICICI બેંકના હેડ - કાર્ડ્સ એન્ડ પેમેન્ટ સોલ્યુશન્સ અનીશ માધવને જણાવ્યું હતું કે, “તહેવારોની સિઝનની શરૂઆતમાં, અમે નવા લોન્ચ કરાયેલ iPhone 16 સહિત અનેક નવા Apple ઉત્પાદનો પર અમારા ગ્રાહકો માટે વિશેષ ઑફર્સ રજૂ કરતાં ખુશ છીએ. આ ઉપરાંત, ગ્રાહકો 'આઇફોન ફોર લાઇફ' પ્રોગ્રામનો પણ લાભ લઈ શકે છે.