Jio એ લોન્ચ કર્યો Happy New Year 2024 પ્લાન, જાણો તેમાં શું છે ખાસ

Jio Reliance Digital: રિલાયન્સ જિયોએ પોતાના વાર્ષિક નવા વર્ષની યોજનાઓની પરંપરા ચાલુ રાખતા, હેપ્પી ન્યૂ યર 2024 પ્રીપેડ પ્લાન ₹2,999 ની કિંમત અને 24 દિવસની વધારાની માન્યતા સાથે લોન્ચ કર્યો છે. આ પ્લાન 365 દિવસની માન્યતા અને કુલ 912.5GB ડેટા ઓફર કરે છે, જેમાં 4G સ્પીડ પર દરરોજ 2.5GB ડેટા ઓફર કરવામાં આવે છે. અન્ય Jio પ્લાનની જેમ, કંપની Jio વેલકમ ઑફર હેઠળ ગ્રાહકોને અમર્યાદિત 5G ડેટા ઑફર કરી રહી છે.

શું છે પ્લાનની ખાસિયત
આ પ્લાનના અન્ય ફાયદાઓ વિશે વાત કરીએ તો, તેમાં અનલિમિટેડ વૉઇસ કૉલ્સ અને 100 SMS/દિવસનો સમાવેશ થાય છે. કંપની JioCinema, JioTV અને JioCloud જેવી Jio એપ્સનું ફ્રી સબસ્ક્રિપ્શન પણ ઓફર કરી રહી છે. જો કે, ઉલ્લેખનીય છે કે આ પ્લાન પ્રીમિયમ JioCinema નું સબસ્ક્રિપ્શન ઓફર કરતું નથી, જેને અલગથી ખરીદવું પડશે.

Jio ન્યૂ યર 2024 પ્લાનના ડિટેલ પેજ પર એવું કહેવાય છે કે નવા બેનિફિટ્સ 20 ડિસેમ્બર, 2023થી ઉપલબ્ધ થશે. પરંતુ ઑફરનો લાભ લેવાની છેલ્લી તારીખ વિશે હજુ સુધી માહિતી આપવામાં આવી નથી. આ વર્ષની શરૂઆતમાં Jio એ ₹3,227 નો વાર્ષિક પ્લાન લૉન્ચ કર્યો હતો જે આખા વર્ષ માટે માન્ય છે. આમાં ખાસ કરીને મોબાઇલ વર્ઝન, એમેઝોન પ્રાઇમ વિડિયોનો સમાવેશ થાય છે. પ્રાઈમ વીડિયો બેનિફિટ સિવાય, આ પ્લાનની બીજી ખાસિયત તેનો ડેટા બેનિફિટ છે.

આ પ્લાન યૂઝર્સને 2GB હાઇ-સ્પીડ ડેટાની ડેલી એલોમેંટ આપે છે, જેના પરિણામે સમગ્ર વર્ષ માટે કુલ 730GB ડેટા મળે છે. આ ડેટા એલોમેંટ સાથે, આ પ્લાન રિલાયન્સ જિયોના અનલિમિટેડ વૉઇસ કૉલ્સ અને દરરોજ 100 મફત SMSના વચનને પણ જાળવી રાખે છે. આ સિવાય ગ્રાહકોને JioCloud, JioTV અને JioCinemaની મફત ઍક્સેસ મળે છે, જે આ પેકેજને વધુ આકર્ષક બનાવે છે.