3 શાનદાર નવી SUV Creta ને ગળી જશે: દરેક કાર ચાલકો કરી રહ્યાં છે ઇંતજાર, અદ્ભુત છે ફીચર્સ

Upcoming SUV in india: Hyundai Creta છેલ્લા 8 વર્ષથી તેના સેગમેન્ટમાં સૌથી વધુ વેચાતી SUV છે. તે દર મહિને લગભગ 10,000 યુનિટ્સનું વેચાણ કરે છે. કિયા સેલ્ટોસ, મારુતિ સુઝુકી ગ્રાન્ડ વિટારા અને ટાટા હેરિયર જેવી અન્ય મધ્યમ કદની એસયુવીની સ્પર્ધા હોવા છતાં, ક્રેટાએ તેની શાનદાર હાજરી અને વેચાણની લીડ જાળવી રાખી છે. પરંતુ ટૂંક સમયમાં Hyundai Creta માટે મુશ્કેલીઓ વધવાની છે. ભારતીય બજારમાં 3 નવી SUV લોન્ચ થવાની છે, જે સીધી હ્યુન્ડાઈ ક્રેટા સાથે સ્પર્ધા કરશે.

1. Kia Seltos Facelift: 

કિયા સેલ્ટોસે હ્યુન્ડાઈ ક્રેટાનું ઘણું બજાર પહેલેથી જ કેપ્ચર કરી લીધું છે. તે બહેતરીન ફિચર્સ પ્રદાન કરે છે. કિયા સેલ્ટોસનું ફેસલિફ્ટ વર્ઝન ટૂંક સમયમાં લોન્ચ થવા જઈ રહ્યું છે. તે નવા 1.5-લિટર ટર્બો પેટ્રોલ એન્જિન દ્વારા સંચાલિત હશે જે 160bhp પાવર અને 253Nm ટોર્ક જનરેટ કરી શકે છે. તે એડવાન્સ્ડ ડ્રાઈવર આસિસ્ટન્સ સિસ્ટમ (ADAS) સહિત અનેક નવી સુવિધાઓ સાથે આવવાની અપેક્ષા છે.

2. Honda Mid Size SUV
હોન્ડા જૂનમાં તેની મધ્યમ કદની એસયુવી લોન્ચ કરવા માટે તૈયાર છે, જે હોન્ડા સિટી સેડાનના પ્લેટફોર્મ પર આધારિત હશે. SUV 1.5-લિટર iVTEC પેટ્રોલ એન્જિન સાથે આવશે જે 121bhp પાવર જનરેટ કરી શકે છે અને તેમાં હાઇબ્રિડ પાવરટ્રેન પણ મળી શકે છે. તે ADAS સહિત ઘણી પ્રમાણભૂત અને સલામતી સુવિધાઓ પ્રદાન કરશે.

3. Citroën C3 Aircros
Citroën તેની નવી મધ્યમ કદની SUV, C3 Aircrossને ભારતીય બજારમાં રજૂ કરવાની પણ યોજના બનાવી રહી છે. આ કાર 4.2 મીટર લાંબી હશે અને તે 5 અને 7-સીટર વિકલ્પોમાં ઉપલબ્ધ થઈ શકે છે. તેમાં 1.2-લિટર 3-સિલિન્ડર ટર્બો પેટ્રોલ એન્જિન આપવામાં આવશે જે 110bhp પાવર અને 190Nm ટોર્ક જનરેટ કરી શકે છે. C3 એરક્રોસ સ્ટાઈલ અને ફિચર્સનું ઉત્તમ સંયોજન હોવાની અપેક્ષા છે.