LAVA પોતાનો પહેલો 5G સ્માર્ટફોન કરશે લોન્ચ, જોવા જેવા છે આ શાનદાર ફોનના ફિચર્સ

નવી દિલ્હીઃ ભારતીય મોબાઈલ ફોન બનાવતી કંપની LAVAએ પોતાનો પહેલો 5G સ્માર્ટફોન લોન્ચ કરવાની તૈયારીમાં છે. આ સ્માર્ટફોનનું નામ Agni 5G આપવામાં આવ્યું છે. જેને 9 નવેમ્બરના લોન્ચ કરવામાં આવશે. આ ફોનને કંપનીએ પોતાની વેબસાઈટ પર લીસ્ટ કરી દીધો છે. LAVA Agni 5Gની તસ્વીરો આવી ચુકી છે. ફોનમાં પંચહોલ ડિસ્પ્લે આપવામાં આવી છે. સાથે જ 90Hz રિફ્રેશ રેટનો સપોર્ટ આપવામાં આવ્યો છે. આ ફોનમાં MediaTek Dimensity 810 5G સુપરફાસ્ટ પ્રોસેસર આપવામાં આવ્યું છે.

આ ફોનમાં Android 11 સિસ્ટમ આપવામાં આવશે. અને આમાં સ્ટોક એન્ડ્રોઈડ એક્સપીરિયન્સ આપવામાં આવશે. ફોનમાં ડેડિકેટેડ ગેમિંગ મોડ પણ આપવામાં આવશે. ઓફિશિયલ લિસ્ટિંગમાં પણ આ ફીચર વિશે માહિતી આપવામાં આવી છે. Lava Agni 5Gમાં 5000mAHની લોન્ગ લાસ્ટિંગ બેટરી આપવામાં આવી છે. ફોનમાં ટાઈપ સી સાથે ફાસ્ટ ચાર્જિંગ સુવિધા મળી શકે છે. ફોનમાં 4 રિયર કેમેરા આપવામાં આવ્યા છે. જેમાં પ્રાઈમરી કેમેરો 64 મેગાપિક્સલનો છે, 8 મેગાપિક્સલ અલ્ટ્રાવાઈડ અને 2 મેગાપિક્સલનો મેક્રો લેન્સ મળી શકે છે. સેલ્ફી માટે ફ્રંટમાં 8 મેગાપિક્સલનો કેમેરો મળી શકે છે.

ફોનની રિયર પેનલ કર્વ્ડ હશે. કેમેરા મોડ્યુલ ટોપ લેફ્સ સાઈડમાં હશે. ફોનમાં ટાઈપ સી પોર્ટ પણ મળશે, સાથે જ 3.5mm હેડફોન જેક પણ મળશે. કિંમતની વાત કરવામાં આવે તો વેબસાઈટ મુજબ ફોન લગભગ 20,000 રૂપિયાનો હોય શકે. જો કે ફોનની અસલી કિંમત 9 નવેમ્બરના જાણી શકાશે.