MOTO એ લોન્ચ કર્યો વધુ એક ધાંસૂ ફોન, ઓછી કિંમતમાં દમદાર ફીચર્સ

નવી દિલ્હી: મોબાઇલ ફોન નિર્માતા કંપની લેનોવો (Lenovo) ના સ્વામિત્વવાળી મોટોરોલા (Motorola) કંપનીએ પોતાના મોટોરોલા-વન મૈક્રો સ્માર્ટફોન લોન્ચ કર્યો છે. આ મોબાઇલ મીડિયાટેક હીલિયો પી-70 ઓક્ટા-કોર પ્રોસેસરથી સજ્જ છે. આ ફોનની કિંમત ભારતમાં 9,999 રૂપિયા રાખવામાં આવી છે.

બે દિવસ સુધી ચાલશે બેટરી
આ ફોનમાં 4000 એમએએચની બેટરી છે અને કંપનીનો દાવો છે કે આ બે દિવસ સુધી ચાલી શકે છે. આ સાથે જ તેમાં 4 જીબી રેમ અને 64 જીબી ઇન્ટરનલ સ્ટોરેજ આપવામાં આવી છે. ફોનમાં 6.2 ઇંચની મૈક્સ વિઝન એચડી પ્લસ ડિસ્પ્લે છે.

ફોનના રિયર કેમેરામાં 3 લેન્સ
આ સ્માર્ટફોનમાં યૂ-આકારની સ્ક્રીન નોચ સ્ક્રીન આપવામાં આવી છે જોકે 19:9 રેશિયોમાં શાનદાર ડિસ્પ્લેનો અનુભવ કરાવશે. તેના રિયર કેમેરામાં 3 લેન્સ છે. તેને 13 મેગાપિક્સલ પ્રાઇમરી સેન્સર, બે મેગાપિક્સલ ડેપ્થ સેન્સર અને બે મેગાપિક્સલ મૈક્રો લેન્સ સાથે લોન્ચ કરવામાં આવ્યો છે. 

કંપનીએ એક નિવેદનમાં કહ્યું કે આ ફોનનો એઆઇ કેમેરા સિસ્ટમ ક્વાડ સેન્સર અને લેઝર ઓટો ફોકસ ટેક્નોલોજી સાથે સજ્જ કરવામાં આવ્યો છે, જે તમને એકદમ ઓછા સમયમાં ફોકસ સાથે અસાધારણ ફોટો પાડવામાં મદદરૂપ સાબિત થશે. આ ડિવાઇસ હાઇબ્રિડ સિમ-ટ્રે સાથે આવે છે, જે ડ્યુઅલ-સીમ અથવા એસડી કાર્ડની સાથે સિમ નાખવાની સુવિધા પુરી પાડશે.