OpenAI CEO Fired: Open AIના CEOને ગૂગલ મીટ પર જ કાઢી મૂકાયા, હાથના કર્યા હૈયે વાગ્યા

Chat GPT CEO: Chat GPT ફરી એકવાર સમાચારમાં છે, જો કે આ વખતે ચર્ચાનું કારણ Chat GPT સોફ્ટવેર નહીં પરંતુ તેના સંસ્થાપક છે. ઓપન એઆઈ કંપનીના કો-ફાઉન્ડર અને સીઈઓ ઓલ્ટમેનને ગૂગલ મીટ પર જ બરતરફ કરવામાં આવ્યા હતા. તેમની બરતરફી બાદ સેમ ઓલ્ટમેન અને ગ્રેગ બ્રોકમેને શનિવારે (18 નવેમ્બર, 2023) સંયુક્ત નિવેદન બહાર પાડ્યું હતું.

તેમણે કહ્યું કે, અમે આશ્ચર્યચકિત છીએ કે અચાનક શું થયું, અમે હતપ્રભ છીએ કે આ કેવી રીતે થઈ શકે છે અને અમે આ બાબતોને ચેક કરી રહ્યા છીએ.  તેમણે કહ્યું, 'સૌથી પહેલા અમે તે તમામ લોકોનો આભાર માનીએ છીએ જેમની સાથે અમે OpenAIમાં કામ કર્યું છે. અમે અમારા ગ્રાહકો અને રોકાણકારોનો પણ આભાર માનીએ છીએ જેમણે અમને મદદ કરી છે. જો કે, અમે હજુ એ જાણવાનો પ્રયાસ કરી રહ્યા છીએ કે શું થયું જેના કારણે તેમને નોકરીમાંથી કાઢી મૂકવામાં આવ્યા છે.

સેમ ઓલ્ટમેને નિવેદનમાં શું કહ્યું?
આ બાબતની ટીકા કરતા બંને અધિકારીઓએ કહ્યું કે ગઈકાલે રાત્રે સેમને ઇલ્યા તરફથી એક સંદેશ મળ્યો હતો જેમાં તેને શુક્રવારે (17 નવેમ્બર) બપોરે તેની સાથે વાત કરવાનું કહ્યું હતું. જ્યારે સેમ ગૂગલ મીટમાં જોડાયો ત્યારે ગ્રેગ સિવાય આખું બોર્ડ ત્યાં હાજર હતું. ગ્રેગને કહેવામાં આવ્યું છે કે તેને બોર્ડમાંથી દૂર કરવામાં આવી રહ્યો છે અને તેઓએ સેમને પણ કાઢી મૂક્યો છે. જ્યારે તે તેની સાથે વાત કરી રહ્યો હતો, ત્યારે કંપનીએ તે બાબતોને મીડિયામાં રજૂ કરી દીધી હતી.

તમારી બધી ચિંતાઓ બદલ આભાર...
સેમ ઓલ્ટમેન અને ગ્રેગ બ્રોકમેને કહ્યું કે આ સમાચાર આવ્યા પછી જેમણે અમારા માટે ચિંતા વ્યક્ત કરી હતી તેમના અમે ખૂબ આભારી છીએ. આ માટે આપ સૌનો ખૂબ ખૂબ આભાર, પરંતુ ચિંતા કરશો નહીં કારણ કે બધું સારું થઈ જશે અને આવનારા દિવસોમાં અમે કંઈક સારું કરીશું.