Oppo Reno 3 હશે ColorOS 7 પર ચાલનાર વિશ્વનો પ્રથમ સ્માર્ટફોન

નવી દિલ્હીઃ ચીનની સ્માર્ટફોન કંપની ઓપ્પો (Oppo)એ આજે ચીનમાં એક ઈવેન્ટ દરમિયાન ColorOS 7 રજૂ કર્યો હતો. આ ColorOS આવનારા સમયમાં ઘણા ઓપ્પો ફોનમાં જોવા મળશે. કંપનીએ તે સ્પષ્ટ કર્યું કે, સૌથી પહેલા કલર ઓએસ 7 ઓપ્પો રેનો 3મા જોવા મળશે. એટલે કે Oppo Reno 3 વિશ્વનો પ્રથમ colorOS 7 વાળો ફોન હશે. આ ફોન ડિસેમ્બરમાં લોન્ચ કરવામાં આવશે. 

આ સ્માર્ટફોન 5G કનેક્ટિવિટીથી લેસ ફોન હશે. પરંતુ આ ફોનના બાકી ફીચર વિશે હજુ સુધી કોઈ જાણકારી સામે આવી નથી. માનવામાં આવી રહ્યું છે કે ફોન સ્પેનડ્રેગન 7250 પ્રોસેસરથી લેસ હશે. 

સંભવિત કિંમત
જણાવવામાં આવી રહ્યું છે કે આ ફોનની કિંમત 40 હજાર રૂપિયાથી વધુ હોઈ શકે છે. આ ફોન ભારમતાં ઓફલાઇન અને ઓનલાઇન બંન્ને પ્લેટફોર્મ પર ઉપલબ્ધ હશે. આ ફોન 64એમપી કેમેરા અને 65W સુપર વૂક ચાર્જિંગની સાથે આવશે. 

આ ફોન ઓપ્પો રેનો 2નો સક્સેસર હશે. કંપનીએ ભારતમાં ઓગસ્ટ મહિનામાં ઓપ્પો રેનો 2 ફોન લોન્ચ કર્યો હતો. ફોનમાં 1080x2400 પિક્સલ રિઝોલ્યુશનની સાથે 6.5 ઇંચની  AMOLED ડિસ્પ્લે આપવામાં આવી છે. જેનો આસ્પેક્ટ રેશિયો 20:9 છે. ફોન ઇન-ડિસ્પ્લે ફિંગરપ્રિન્ટ સ્કેનર અને ગોરિલ્લા ગ્લાસ 6 પ્રોટેક્શનની સાથે આવે છે. ફોનમાં ઓલ-બ્યૂ ડિસ્પ્લે આપવામાં આવ્યું છે અને આ ઓલ-ગ્લાસ બોડી ડિઝાઇનમાં આવે છે. 

8જીબી રેમ+256જીબી ઈન્ટરનલ સ્ટોરેજ મોડલમાં લોન્ચ કરાયેલા આ ફોનમાં સ્નેપડ્રેગન 730G ઓક્ટા-કોર પ્રોસેસર આપવામાં આવ્યા છે. ઓએસની વાત કરીએ તો આ એન્ડ્રોઇડ 9 પર બેસ્ડ ColorOS 6.1 પર કામ કરે છે. ફોનને પાવર દેવા માટે તેમાં 4000mAhની બેટરી આપવામાં આવી છે જે 20 વોટ VOOC 3.0 ફાસ્ટ ચાર્જિંગ સપોર્ટની સાથે આવે છે.