Car Waiting Period: અરે... તમે તો આ કાર બુક નથી કરીને? 20 મહિના સુધી નહીં મળે ડિલિવરી!

Toyota Hyryder Waiting Period: Toyota એ સપ્ટેમ્બર 2022 માં તેની મધ્યમ કદની SUV અર્બન ક્રુઝર Hyrider લોન્ચ કરી છે. તે પેટ્રોલ અને પેટ્રોલ હાઇબ્રિડ પાવરટ્રેન સાથે આવે છે. આ ઉપરાંત Toyota Hyryder ને Suzuki તરફથી CNG પાવરટ્રેન વિકલ્પ પણ મળે છે. એસયુવીની ઘણી માંગ છે. મીડિયા રિપોર્ટ્સ અનુસાર, Toyota Urban Cruiser Highrider પર 20 મહિના સુધીનો વેઇટિંગ પીરિયડ છે. SUVના પેટ્રોલ વેરિઅન્ટ્સ માટે રાહ જોવાનો સમયગાળો 7 મહિના સુધીનો છે. જ્યારે, હાઇબ્રિડ વેરિઅન્ટ માટે રાહ જોવાનો સમયગાળો બુકિંગની તારીખથી 20 મહિના સુધીનો છે.

Toyota Hyryderનું હાઇબ્રિડ વેરિઅન્ટ 1.5-લિટર 3-સિલિન્ડર TNGA એટકિન્સન સાઇકલ એન્જિન સાથે આવે છે, જે 92bhp પાવર અને 122Nm ટોર્ક જનરેટ કરે છે. તે eCVT ગિયરબોક્સ સાથે મેટેડ છે. તેની ઇલેક્ટ્રિક મોટર 79bhp પાવર અને 141Nm ટોર્ક જનરેટ કરે છે. હાઇબ્રિડ પાવરટ્રેનની સંયુક્ત શક્તિ 114bhp છે. તે 0.76kWh લિથિયમ-આયન બેટરી પેક દ્વારા સંચાલિત છે. તે 27.97kmpl ની માઈલેજ આપવાનો દાવો કરે છે.

આ પણ વાંચો:
ખેડૂતો માટે સૌથી માઠા સમાચાર: અંબાલાલ પટેલની આ આગાહી ઉંઘ હરામ કરી દેશે, ખાસ વાંચજો
સાપ્તાહિક રાશિફળ: આ રાશિના જાતકોને મુશ્કેલીઓમાંથી મળશે રાહત, વ્યાપારિક મંદીની શક્યતા
G20 Summit 2023: પાકિસ્તાન અને ચીનની ચાલ પર ભારતે કેવી રીતે પાણી ફેરવી દીધું? જાણો

Hyryderના નિયમિત સંસ્કરણમાં 1.5-લિટર K15C પેટ્રોલ એન્જિન મળે છે, જે બ્રેઝાને પણ પાવર આપે છે. આ એન્જિન 103PS પાવર અને 137Nm ટોર્ક જનરેટ કરે છે. ટ્રાન્સમિશન વિકલ્પો વિશે વાત કરીએ તો તેમાં 5-સ્પીડ મેન્યુઅલ અને 6-સ્પીડ ટોર્ક કન્વર્ટર ઓટોમેટિક શામેલ છે. ટોપ-સ્પેક મેન્યુઅલ વેરિઅન્ટમાં AWD (ઓલ-વ્હીલ-ડ્રાઈવ) સિસ્ટમનો વિકલ્પ પણ મળે છે. Hyryder મેન્યુઅલ 21.11kmpl નું માઇલેજ આપી શકે છે જ્યારે AWD વેરિયન્ટ 19.38kmpl નું માઇલેજ આપી શકે છે.

અન્ય મોડલ પર પણ લાંબો વેઈટિંગ પીરિયડ
Innova Hycrossની પણ વધુ માંગ છે અને તેની ડિલિવરી માટે લાંબી રાહ જોવી પડી શકે છે. મીડિયા અહેવાલો અનુસાર, Innova Hycross માટે રાહ જોવાનો સમયગાળો લગભગ 26 મહિના (2 વર્ષથી વધુ) છે. આ સિવાય ટોયોટાની તાજેતરમાં જ લોન્ચ થયેલી ઈનોવા ક્રિસ્ટા ડીઝલનો પણ રાહ જોવાનો સમયગાળો લગભગ 16 અઠવાડિયા છે.