Fastest Car: ભારતમાં આવી સૌથી હાઇ સ્પીડ ઇલેક્ટ્રિક કાર, પલકારામાં બની જશે `રોકેટ`

નવી દિલ્હી: સ્પીડના શોખીનો માટે ખૂબ જ સારા સમાચાર છે કારણ કે હવે ભારતમાં દુનિયાની સૌથી ઝડપી કાર લોન્ચ થઇ ચૂકી છે. સૌથી ખાસ વાત એ છે કે આ એક ઇલેક્ટ્રિક કાર છે જેને મુંબઇના એક ભારતીય સ્ટાર્ટઅપ વજીરાની ઓટોમોટિવ લઇને આવી રહ્યું છે. પેટ્રોલ-ડીઝલની વધતી જતી કિંમતો વચ્ચે ભારતમાં ઇલેક્ટ્રિક વ્હીકલનું બજાર ઝડપથી ફેલાઇ રહ્યું છે અને ધીમે ધીમે સામાન્ય લોકો ઇવીની તરફ શિફ્ટ થવા લાગ્યા છે. 

શાનદાર લુક, દમદાર બેટરી
આ કારનું નામ એકોન્ક (Ekonk) છે અને આ એક સિંગલ સીટરની કાર છે. કંપની તરફથી દાવો કરવામાં આવી રહ્યો છે કે આ દુનિયાની સૌથી ઝડપી ચાલનાર ઇલેક્ટ્રિક કારમાંથી એક છે. સ્ટાર્ટઅપ તરફ્થી મંગળવારે લોન્ચ કરવામાં આવી છે. કારનો લુક એકદમ શાનદાર છે અને આ કોઇ રેસિંગ કાર જેવી લાગે છે. કારનું વજન લગભગ 740 કિલોગ્રામ છે અને તેમાં ઇનોવેટિવ બેટરી સોલ્યૂશનનો ઉપયોગ કરવામાં આવ્યો છે. આ ટેક્નોલોજી હાજર કોમ્પ્લેક્સ લિક્વિડ કૂલિંગથી એડવાન્સ છે. 

309 kmph ની ટોપ સ્પીડ
કારમાં દમદાર 722 હોર્સ પાવરનું એન્જીન આપવામાં આવ્યું છે અને કંપનીએ આ ઇલેક્ટ્રિક હાઇપર કારને તાજેતરમાં જ ઇન્દોરમાં ટેસ્ટ પણ કરવામાં આવ્યો હતો. આ દરમિયાન કારે 309 કિમી પ્રતિ કલાકની ટોપ સ્પીડ પ્રાપ્ત કરી હતી. ખાસ વાત એ છે કે 2.54 સેકન્ડમાં 0 થી 100 કિમી પ્રતિ કલાકની ગતિ પકડી શકે છે.