વોટ્સએપમાં એડ થઈ શકે છે 50 લોકોની સાથે વીડિયો કોલિંગનું ફીચર

નવી દિલ્હીઃ વીડિયો કોલિંગની ડિમાન્ડ ખુબ ઝડપથી વધી રહી છે અને આ કારણે વોટ્સએપે હાલમાં વીડિયો કોલિંગમાં વિસ્તાર કર્યો છે. હવે વોટ્સએપ ઝૂમ જેવી વીડિયો કોલિંગ પ્લેટફોર્મને ટક્કરમાં લાર્જ સ્કેલ વીડિયો કોલિંગ લાવવાની તૈયારીમાં છે. 

WhatsAppના ફીચર્સને ટ્રેક રાખનાર પોર્ટલ WABetainfoના એક રિપોર્ટ પ્રમાણે લાર્જ ગ્રુપમાં વીડિયો કોલિંગ કરવા માટે  Messenger Groupમાં રીડાયરેક્ટ કરી શકાય છે. 

હાલમાં વોટ્સએપે વીડિયો કોલિંગ માટે 8 લોકોને એડ કરવાને સપોર્ટ આવ્યો છે. ઉલ્લેખનીય છે કે મેસેન્જર રૂમ્સ હેઠળ કંપનીએ 50 લોકોને એક સાથે વીડિયો કોલિંગનો સપોર્ટ લઈને આવી છે. 

WABetainfoએ  WhatsApp Web Clientના લેટેસ્ટ વર્ઝનમાં  Messenger Room ની એક લિંક મળી છે, તેનાથી જણાવવામાં આવી રહ્યું છે કે વોટ્સએપના એન્ડ્રોઇડ વર્ઝનમાં પણ તેને આપી શકાય છે. 

વોટ્સએપ વેબ ક્લાઇન્ટે એક સ્ક્રીનશોટ શેર કર્યો છે, જ્યાં એક પેપર ક્લિક મેન્યૂ જોઈ શકાય છે. અહીં ક્લિક કરીને સીધા મેસેન્જર રૂમમાં રીડાયરેક્ટ કરી શકાય છે. પરંતુ અહીં તે પણ દેખાડવામાં આવી રહ્યું છે કે મેસેજના કોલ્સ એન્ડ ટુ એન્ડ એન્ક્રિપ્ટેડ હોતા નથી. 

હાલ તે સ્પષ્ટ નથી કે કંપની આ ફીચરને કઈ રીતે એપમાં લઈને આવશે. કારણ કે સવાલ તે પણ છે કે શું વોટ્સએપમાં 50 લોકોની સાથે ગ્રુપ કોલિંગ કરવા માટે ફેસબુક એકાઉન્ટ હોવું જરૂરી છે કે નહીં.