WhatsApp પર હવે બદલાઈ જશે દુનિયા! આ નવા ફિચરથી ચપટી વગાડતા જ પતી જશે કામ

WhatsApp New Feature: વ્હોટ્સએપ હંમેશાથી યુઝર્સ ફ્રેન્ડલી રહ્યું છે. તે પોતાના યુઝર્સને કંઈકને કંઈક નવું નજરાણું આપતું રહે છે. યુઝર્સ માટે તેમની ટીમ સતત કંઈકને કંઈક નવા પ્રયાસો કરીને અવનવા ઉપયોગી ફિચર્સ અને અપડેશન લાવતા રહે છે. આ વખતે પણ વ્હોટ્સએપ દ્વારા આવું જ એક નવું ફિચર ઉમેરવામાં આવ્યું છે. Wabetainfoના અહેવાલ મુજબ, પ્લેટફોર્મ નવા ફીચર માટે એક નવો વિભાગ ઉમેરશે, જે અત્યારે છે એના કરતા પણ વધારે યુઝર્સ ફેન્ડલી હશે. યુઝર્સને ચોક્કસ ચેનલો શોધવાની મંજૂરી આપશે. વોટ્સએપ યુઝર એક્સપીરિયન્સને વધારવા માટે ઘણા નવા ફીચર્સ લાવી રહ્યું છે. આવનારા થોડા દિવસોમાં ઘણા નવા ફીચર્સ જોવા મળશે, જેના કારણે ચેટિંગની સ્ટાઈલ બદલાઈ જશે.

WhatsApp કથિત રીતે એન્ડ્રોઇડ બીટા માટે એક ફીચર પર કામ કરી રહ્યું છે જે યુઝર્સને ફિલ્ટર્સનો ઉપયોગ કરીને નવી ચેનલો શોધવાની મંજૂરી આપશે. Wabetainfoના અહેવાલ મુજબ, પ્લેટફોર્મ નવા ફીચર માટે એક નવો વિભાગ ઉમેરશે, જે વપરાશકર્તાઓને ચોક્કસ ચેનલો શોધવાની મંજૂરી આપશે.

હવે આ કામ પણ બન્યુ આસાનઃ
યુઝર્સ નવા વિભાગમાં ચેનલનું નામ દાખલ કરીને ચેનલ શોધી શકશે. નવા વિભાગમાં, વપરાશકર્તાઓ ત્રણ ફિલ્ટર્સના આધારે ચેનલો શોધી શકશે. આમાં તાજેતરમાં ઉમેરાયેલ, લોકપ્રિયતા અને મૂળાક્ષરોનો ક્રમનો સમાવેશ થાય છે.

અહેવાલ જણાવે છે કે નવી ચેનલો શોધવા માટેની સુવિધા કામમાં છે અને ભવિષ્યના અપડેટમાં બીટા ટેસ્ટર્સ માટે રજૂ કરવામાં આવે તેવી અપેક્ષા છે. ગયા મહિને, એવી જાણ કરવામાં આવી હતી કે મેસેજિંગ પ્લેટફોર્મ એન્ડ્રોઇડ માટે બ્રોડકાસ્ટ ચેનલ વાર્તાલાપ પર કામ કરી રહ્યું છે, જેમાં 12 નવી સુવિધાઓ શામેલ છે.

(ઇનપુટ-IANS)