WhatsApp ની ચેટ આપમેળે થઈ જશે ગાયબ, જાણી લો આ નવા ફિચર વિશે

નવી દિલ્લીઃ WhatsApp પોતાના યૂઝર્સ માટે એવા નવા ફિચર્સ લઈને આવે છેકે, જેનાથી તેમનું કામ વધુ સરળ બની જાય. સાથે  જ યૂઝર્સના ચેટિંગ એક્સપીરિઅંસને પહેલાં કરતા વધારે મજેદાર બનાવવા માટે વોટ્સએપ સતત કંઈકને કંઈક નવું કરતું રહે છે. હાલમાં જ વોટ્સએપે પોતાના યૂઝર્સને એક જરૂરી ભેટ આપી છે. આ ફિચરની લોકો લાંબા સમયથી રાહ જોઈ રહ્યાં હતાં. WhatsApp ના આ નવા ફિચરને Disappearing Message નું નામ આપવામાં આવ્યું છે.

WhatsApp ગ્રૂપ માટે લાભદાયક છે આ ફિચર
WhatsApp આ નવા ફિચરને એન્ડ્રોઈડ અનેમiOS બન્ને પ્લેટફોર્મ પર રોલઆઉટ કરવામાં આવશે. આ ફિચર વોટ્સએપ પર બનાવવામાં આવતા ગ્રૂપ માટે ખાસ છે. આ ફિચની ખાસ વાત એ છેકે, આ ફિચરને માત્ર ગ્રૂપ એડમિન જ નહીં દરેક લોકો યૂઝ કરી શકે છે.  જોકે, હાલમાં વોટ્સએપે માત્ર ગ્રૂપ એડમિનને જ આ સુવિધાનો ઉપયોગ કરવાનો લાભ આપ્યો છે. આગામી સમયમાં ગ્રૂપ એડમિન પાસે એવી સુવિધા હશે કે કોણ ગ્રૂપમાં આ ફિચરનો યૂઝ કરી શકશે અને કોણ નહીં.

એનો અર્થ છેકે, તમને હવે દર સપ્તાહે વોટ્સએપ મેસેજ ડિલીટ કરવાની આઝાદી મળી જશે. હાલમાં આ ફિચર ટેસ્ટિંગ મોડ પર કામ કરી રહ્યું છે. તેથી વોટ્સએપ તરફથી હાલ આ ફિચર માત્ર પસંદગીના લોકો પાસે જ હશે.