હોંગકોંગમાં 2000 પાલતુ `ઉંદરો` આવ્યા કોરોના પોઝિટિવ, અધિકારીઓએ કહ્યું- દરેકને મારી નાખવામાં આવશે

વિક્યોરિયાઃ હોંગકોંગ તંત્રએ મંગળવારે કહ્યું કે કોરોના વાયરસ સંક્રમિત મળવા પર આશરે 2000 હેમ્સ્ટર (ઉંદર જેવું પ્રાણી) મારવામાં આવશે. વહીવટીતંત્રે કહ્યું કે પાલતુ સ્ટોરમાં ઘણા હેમ્સ્ટર કોવિડ-19થી સંક્રમિત હોવાનું જણાયું હતું કારણ કે ત્યાં એક કોરોના વાયરસથી સંક્રમિત કર્મચારી કામ કરી રહ્યો હતો. અધિકારીઓએ કહ્યું કે આ મંચિંગ પ્રજાતિની આયાત અને નિકાસ પર પણ પ્રતિબંધ મૂકવામાં આવશે.

સોમવારે પાલતુ સ્ટોરના કર્મચારીનો કોરોના રિપોર્ટ પોઝિટિવ આવ્યા બાદ આ પગલું લેવામાં આવ્યું હતું. આ પછી ઘણા હેમ્સ્ટર પણ સંક્રમિત જોવા મળ્યા. જો કે, વહીવટીતંત્રે એમ પણ કહ્યું કે જીવોમાંથી મનુષ્યોમાં કોરોના ફેલાવવાના કોઈ 'પુરાવા' મળ્યા નથી. પરંતુ સાવચેતીના પગલા તરીકે, અસરગ્રસ્ત સ્ટોર્સમાંથી 7 જાન્યુઆરી પછી ખરીદેલા તમામ હેમ્સ્ટરને ફરજિયાતપણે મારી નાખવામાં આવશે.

આ પણ વાંચો- આ વિસ્તારમાં 70 વર્ષથી નથી થયું એક પણ મૃત્યુ! અહીં કોણે ધરતી પર રોકી રાખ્યો છે લોકોનો જીવ?

ઉંદરો ખરીદ્યા બાદ ટેસ્ટ કરાવવો પડશે
આવા લોકોએ તેમના હેમ્સ્ટરને વહીવટીતંત્રને સોંપવા પડશે. તમામ સ્ટોર્સને હેમ્સ્ટરનું ખરીદ અને વેચાણ બંધ કરવાનો આદેશ આપવામાં આવ્યો છે. 22 ડિસેમ્બરથી પેટ સ્ટોર્સમાંથી હેમ્સ્ટર ખરીદનારાઓએ પણ કોવિડ-19 માટે ફરજિયાતપણે ટેસ્ટ કરાવવો પડશે અને આ લોકોને રિપોર્ટ આવે ત્યાં સુધી જાહેરમાં ન આવવા અપીલ કરવામાં આવી છે. અગાઉ, હોંગકોંગ પોલીસે કોવિડ -19 સંબંધિત નિયમોનું ઉલ્લંઘન કરવા બદલ બે ભૂતપૂર્વ ક્રૂ સભ્યોની ધરપકડ કરી હતી.

આઈસોલેશનમાં ઘરની બહાર નિકળ્યા સંક્રમિત
વાયરસથી સંક્રમિત થવાની આશંકાને કારણે બંને આઈસોલેશનમાં રહેવાની જગ્યાએ કથિત રીતે ઘરની બહાર નિકળ્યા હતા. સરકાર તરફથી સોમવારે મોડી રાત્રે જાહેર કરાયેલા નિવેદન અનુસાર, આ બંને લોકો 24 અને 25 ડિસેમ્બરે અમેરિકાથી આવ્યા હતા. તબીબી દેખરેખ હેઠળ, તેણે 'બિનજરૂરી પ્રવૃત્તિઓ કરી.' નિવેદનમાં બંને અને એમ્પ્લોયરની ઓળખ જાહેર કરવામાં આવી નથી.