Ukraine-Russia Crisis: 22 વર્ષની ટીચર કલમની જગ્યાએ ચલાવી રહી છે AK-47, કહ્યું- `દેશની રક્ષા કરવી જરૂરી`

Ukraine-Russia Crisis: યુક્રેનની રાજધાની કિવમાંથી શનિવારે એક અલગ જ તસવીર સામે આવી છે. અહીંની 22 વર્ષની દશા હાલના દિવસોમાં બાળકોને ભણાવવાને બદલે હથિયાર ચલાવવાની ટ્રેનિંગ લઈ રહી છે. કિવમાં બનેલા એક ટ્રેનિંગ સેન્ટરમાં દશા તાબડતોડ હથિયાર ચલાવી રહી છે. તેમણે કહ્યું કે રશિયન હુમલાની સંભાવના વચ્ચે દેશની રક્ષા માટે આ જરૂરી છે.

મહત્ત્વનું છે કે અમેરિકી રાષ્ટ્રપતિ જો બાઈડન આગામી કેટલાક દિવસોમાં યુક્રેન પર રશિયા તરફથી હુમલો થવાની સંભાવના વ્યક્ત કરવામાં આવી રહી છે. આ આશંકા બાદ યુક્રેનના ઘણા યુવાનો બોર્ડર પર જવા માટે તૈયાર થઈ રહ્યા છે. યુવાનો તેમના દેશની રક્ષા માટે એકે 47 એસોલ્ટ રાઇફલ્સ અને પિસ્તોલ સહિતના નાના હથિયારોના ઉપયોગની મૂળભૂત તાલીમ લેવા આગળ આવી રહ્યા છે.

દેશની રક્ષા માટે શાળાના શિક્ષકો સહિત ઘણા યુવા રાષ્ટ્રની મદદ માટે ડોક્ટર, ડ્રાઈવર તરીકે કામ કરવા માંગે છે. તેમનો પ્રયાસ એવો પણ છે કે યુક્રેનની બહાર રહેલા યુક્રેનિયનોને પણ દેશના સંરક્ષણ માટે લાવવામાં આવે.

અગાઉ શુક્રવારે પણ કિવથી એક તસવીર સામે આવી હતી, જેમાં ભારતીય એરોસ્પેસ એન્જિનિયરિંગના વિદ્યાર્થી સાઈ જ્યોર્જિયા લીજનમાં જોડાયા હતા. સાઈ યુક્રેનની રાજધાની કિવમાં જ્યોર્જિયામાં નેશનલ આર્મી સેન્ટરમાં યુદ્ધની ટ્રેનિંગ લઈ રહ્યા છે. તમિલનાડુની સાઈ એ આ અઠવાડિયે નેશનલ આર્મી ટ્રેનિંગ સેન્ટરમાં જોડાઈ છે. સાઈને ઈરાદા બોર્ડર પર લડવાનું છે. સાઈએ જણાવ્યું કે તે એરોસ્પેસ એન્જિનિયર બનવાનો અભ્યાસ કરી રહ્યો હતો. હવે ફાઈટર બનવાની ટ્રેનિંગ લઈ રહ્યો છે પરંતુ તેને ડર છે કે તેનો પરિવાર તેને આ માટે મંજૂરી નહીં આપે.

બીજી તરફ, જ્યોર્જિયાના નેશનલ આર્મી ટ્રેનિંગ સેન્ટરમાં અમેરિકાના વિલિયમ્સ યુદ્ધની ટ્રેનિંગ આપી રહ્યા છે. વિલિયમ્સ અમેરિકન યુદ્ધના અનુભવી રહ્યા છે. તે યુક્રેન આવીને અહીંના નાગરિકોને મિલિશિયામાં જોડાવા અને સરહદ પર લડવાની તાલીમ આપી રહ્યા છે. સાથે સરહદ પર ઘાયલ થયેલા જવાનોને બહાર કાઢવાની તાલીમ આપી રહ્યા છે. લગભગ 100 સ્થાનિક, બ્રિટન અને ભૂતપૂર્વ સોવિયેત બ્લોકના દેશોના લોકો અત્યાર સુધી ટ્રેનિંગ લઈ ચૂક્યા છે.