કોરોના બાયો બબલના ધજાગરા ઉડાવી સ્ટાર ખેલાડીએ મોડલને હોટલ બોલાવી, સેક્સ ચેટ થઈ લીક

નવી દિલ્હી: સ્ટાર ખેલાડી એન્ટોનિયો બ્રાઉન (Antonio Brown) એ મોડલ એવા લુઈસ (Ava Louise) ને મોડી રાતે સુરક્ષાને ચકમો આપી પોતાની હોટલમાં બોલાવી. આ દરમિયાન તેણે કોરોના બાયો બબલના ધજાગરા ઉડાવી દીધા. એન્ટોનિયોના આમંત્રણ પર મોડલ હોટલ જઈ ચડી. એન્ટોનિયો 'અમેરિકન ફૂટબોલ' નો સ્ટાર ખેલાડી છે. એવા લુઈસે ડેઈલી મેલ સાથે વાતચીતમાં એન્ટોનિયો બ્રાઉનની ચેટ પણ જાહેર કરી દીધી. 

સોશિયલ મીડિયા સ્ટાર એવા લુઈસે જણાવ્યું કે તે સૌથી પહેલા એન્ટોનિયો બ્રાઉનના સંપર્કમાં વર્ષ 2018માં આવી હતી. તેમનો વાતચીતનો દોર સૌથી પહેલા ઈન્સ્ટાગ્રામથી શરૂ થયો હતો. નવા વર્ષ પહેલા એન્ટોનિયોએ તેને હોટલમાં મળવા માટે બોલાવી હતી. પહેલા તો તેણે મળવાની ના પાડી દીધી. પરંતુ તે રાતે લગભગ 11 વાગે એવા લુઈસ હોટલ પહોંચી હતી. અત્રે જણાવવાનું કે નેશનલ ફૂટબોલ લી (NFL League) હોવાના કારણે ખેલાડીઓ માટે કોવિડ બાયો બબલ બનાવવામાં આવેલું છે. જેથી કરીને ખેલાડી કોઈ પણ બહારની વ્યક્તિના સંપર્કમાં ન આવે. આ નિયમ હેઠળ કોઈ પણ ખેલાડી ગમે તે પરિચિતને બોલાવી શકશે નહીં.