Coronavirus ના Indian Strain ને લઇને ચિંતિત છે બ્રિટનનું સ્વાસ્થ્ય મંત્રાલય

લંડન: યુકેના સ્વાસ્થ્ય વિભાગે ભારતમાં મળી આવેલા કોરોના વાયરસના ત્રણ સ્વરૂપોમાંથી એક વિશે ચિંતા વ્યક્ત કરી છે. એક અહેવાલ મુજબ, પબ્લિક હેલ્થ ઇંગ્લેન્ડના વિભાગે (પીએચઇ) કોરોના વાયરસના એખ ભારતીય સ્વરૂપ બી 1.617.2 વિશે જણાવ્યું છે, તે અન્ય બે સ્વરૂપો કરતાં ઝડપથી ફેલાય છે.

કોરોના વાયરસના ઘણા સ્ટ્રેન પર ચાલુ સંશોધન
કોરોના વાયરસના આ સ્વરૂપ સિવાય, B.1.617 અને B.1.617.3 પર સંશોધન હજુ પણ ચાલુ છે. પીએચઇ દ્વારા બહાર પાડવામાં આવેલા આંકડા મુજબ, બી .1.617 ના 61 નમૂનાઓ સહિત કુલ 500 નમૂનાઓ પર સંશોધન કરવામાં આવી રહ્યું છે. જોકે કેટલાક નિષ્ણાતો માને છે કે કોરોનાનું બી 1.617.2 ફોર્મ બ્રિટનમાં કોવિડ-19 મહામારીના બીજી લહેર માટે જવાબદાર કેન્ટ ફોર્મેટ કરતા ઓછું સંક્રમિત છે. એક અહેવાલ મુજબ, હજી સુધી કોઈ પુરાવા મળ્યા નથી જેના આધારે એવું કહી શકાય કે વેક્સીન કોરોના વાયરસના ભારતીય સ્વરૂપ પર કામ કરશે નહીં.

આ પણ વાંચો:- Corona સામે લડતમાં ભારતને મળ્યો સાથ, હવે આ દેશોએ પહોંચાડી મદદ

ત્રણ દેશોમાં મળેલા વાયરસના સ્પાઈક પ્રોટીનમાં ફરેફાર
દક્ષિણ આફ્રિકા, બ્રાઝિલ અને ભારતમાં જોવા મળતા કોરોના વાયરસના સ્વરૂપોમાં સ્પાઇક પ્રોટીનમાં ફેરફાર જોવા મળ્યા છે, જેના દ્વારા તે માનવ કોષોને જોડે છે. ખરેખર, પરિવર્તનીય બનીને તેના સ્વરૂપ અને અસ્તિત્વને જાળવવું એ કોઈપણ વાયરસનો સ્વભાવ છે. માનવામાં આવે છે કે કોરોના વાયરસનું આ સ્વરૂપ ભારતમાં કોવિડ-19 ની બીજી ભયંકર લહેર માટે જવાબદાર છે.