India-Canada Row: ભારત સાથે રાજદ્વારી તણાવ વચ્ચે જસ્ટિન ટ્રુડોએ નવરાત્રીની શુભેચ્છા પાઠવી

ઓટાવાઃ ભારત અને કેનેડા વચ્ચે રાજદ્વારી તણાવ હવે ઓછા થવા લાગ્યો છે. કેનેડાના પ્રધાનમંત્રી જસ્ટિન ટ્રૂડોએ રવિવારે નવરાત્રિના તહેવાર પર હિન્દુ સમુદાયને શુભેચ્છા આપી છે. 

નોંધનીય છે કે કેનેડાના પ્રધાનમંત્રીએ ખાલિસ્તાન સમર્થક આતંકી હરદીપ સિંહ નિજ્જરની હત્યા પાછળ ભારતીય એજન્ટોનો હાથ હોવાનો દાવો કર્યો હતો. પરંતુ ભારતે આ આરોપોને નકારતા રાજનીતિથી પ્રેરિત ગણાવ્યા હતા. તો જસ્ટિન ટ્રૂડોએ પોતાનું વલણ પર ઢીલા પડતા ભારતની સાથે ગાઢ સંબંધ સ્થાપિત કરવાની પ્રતિબદ્ધતા વ્યક્ત કરી હતી. 

શું બોલ્યા ટ્રૂડો?
જસ્ટિન ટ્રૂડોએ પોતાના સોશિયલ મીડિયા પ્લેટફોર્મ એક્સ પર એક પોસ્ટ શેર કરતા કહ્યું- નવરાત્રિની શુભકામનાઓ. હું હિન્દુ સમુદાય અને આ તહેવાર ઉજવતા બધા લોકોને હાર્દિક શુભેચ્છા આપુ છું.